2. Kaynicha 25:7 - Pennsylvania Dutch Bible

⁷ Si henn em Zedekia sei boova doht gmacht fannich sei awwa. No henn si em Zedekia sei awwa auskshtocha, henn een gebunna mitt kedda un henn een noch Babylon gnumma.

2. Kaynicha 25:7 ပူးပေါင်းရင်းမြစ်များ

1. Mosi 21:16

No is see en shtikk vekk ganga funn datt, baut en bow-shuss vekk, un hott sich anna kokt. See hott ksawt, “Loss mich nett da boo sayna shtauva.” Un vi see datt kokt hott, hott see laut keild.

1. Mosi 44:34

Fa vi kann ich zrikk gay zu meim daett vann da boo nett bei miah is? Mach mich nett sayna vass fa dreebsawl es sell uf mei daett bringa dayt.”

2. Chronik 33:11

So hott da Hah di greeks-hauptmennah fumm kaynich funn Assyria geyyich si gebrocht, un si henn da Manasse fesht gnumma mitt hohka, henn een gebunna mitt kedda, un henn een zu Babylon gnumma.

2. Chronik 36:6

Da Nebukadnezar, da kaynich funn Babylon, is geyyich een kumma un hott een gebunna mitt kedda fa een noch Babylon nemma.

Psalm 149:8

un so es si iahra kaynicha binna mitt kedda, un iahra eldishti mitt eisichi banda,

Jesoiya 22:3

Awl eiyah foah-gengah sinn mitt-nannah difunn kshprunga, si voahra fesht gnumma unni iahra bow sheesa. Awl diah es kfanga voahret, voahra mitt-nannah fesht gnumma, even vann diah veit vekk kshprunga sind.

Jeremia 21:7

Noch sellem, sawkt da Hah, awl dee zayl ich ivvah-drayya zumm Kaynich Nebukadnezar funn Babylon, un zu eiyah feinda es eich doht macha vella—da Zedekia, da kaynich funn Juda, sei evvahshti un awl di leit in di shtatt es noch ivvahrich sinn funn di granket, fumm em shvatt un funn di hungahs-noht. Eah zayld si awl doht macha mitt em shvatt unni bamhatzichkeit adda si davvahra.’

Jeremia 22:30

Dess is vass da Hah sawkt: “Shreib deah mann nunnah fa kenn kinnah havva, en mann es nee nett goot du zayld sei layva lang; kens funn sei nohch-kummashaft zayld goot du; kens funn eena zayld uf em Dawfit sei kaynich-shtool hokka un Juda viddah roola.”

Jeremia 34:3

Du kansht nett vekk funn sei hand, avvah du zaylsht kfanga sei un ivvah-gedrayt vadda zu eem. Du zaylsht da kaynich funn Babylon sayna mitt dei aykni awwa, un eah zayld zu diah shvetza ksicht zu ksicht. Du zaylsht zu Babylon gay.

Jeremia 37:17

Endlich hott da Zedekia kshikt fa een un hott een ruff in's kaynich-haus gebrocht. Datt hott eah een laynich grikt un hott kfrohkt, “Is ennich vatt fumm Hah kumma?” Da Jeremia hott ksawt, “Yau es is. Du zaylsht ivvah-gedrayt vadda zumm kaynich funn Babylon.”

Jeremia 38:23

Awl dei veivah un kinnah zayla raus gebrocht vadda zu di Chaldayah. Du selvaht kumsht nett vekk avvah vasht kfanga beim kaynich funn Babylon. Un dee shtatt vatt nunnah gebrend.”

Glawk-Leedah 2:9

Iahra doahra sinn deef in di eaht ksunka, iahra rikkel voahra fabrocha un zu nix gmacht. Iahra kaynich un di feddahshti sinn nau unnich di heida; es ksetz is nimmi may, un di brofayda kenna nimmi lengah visions greeya fumm Hah.

Ezekiel 12:11

Sawk eena, ‘Ich binn en zaycha zu eich.’ Vass ich gedu habb, zayld gedu sei zu eena. Si zayla kfanga sei un vekk gnumma vadda.

Ezekiel 7:27

Da kaynich zayld bedreebt sei, di feddahshta zayla sich glaydah mitt dreebsawl un di leit im land iahra hend zayla shidla. Ich du zu eena so vi si glaybt henn. So vi si gricht henn, doon ich si richta. No zayla si vissa es ich da Hah binn.”

5. Mosi 28:34

Vass diah saynet, zayld eich aus em kobb gay macha.

5. Mosi 28:36

Da Hah zayld eich un eiyah kaynich es diah ivvah eich setzet, zu en annah folk bringa es diah un eiyah foah-feddah nett gekend hend. Datt zayla diah anri abgettah deena es gmacht sinn funn hols un shtay.

Richtah 16:21

No henn di Philishtah een gnumma un henn sei awwa raus kshtocha, un henn een nunnah an Gaza gebrocht. Si henn een gebunna mitt bronze kedda, un datt henn si een gmacht frucht mawla in di jail.