2. Kaynicha 23:5 - Pennsylvania Dutch Bible

⁵ Un eah hott di gettah-preeshtah shtill kshteld es di kaynicha funn Juda eiksetzt henn fa insens brenna in di hohcha-bletz an di shtett funn Juda un um Jerusalem rumm. Dee preeshtah henn insens gebrend zumm Baal, di sunn un da moon, di shtanna un alles shunsht in di himla.

2. Kaynicha 23:5 ပူးပေါင်းရင်းမြစ်များ

2. Kaynicha 21:5

Eah hott awldahra gebaut fa awl di shtanna ohbayda in di zvay courts fannich em Hah sei tempel.

2. Chronik 33:3

Eah hott di hohcha-bletz ivvah ufgebaut es sei daett da Hiskia nunnah grissa katt hott. Eah hott Baal-awldah gebaut un Ashera-gleichnisa gmacht. Eah hott sich nunnah gebikt zu awl di shtanna im himmel un hott si gedeend.

2. Chronik 34:4

Si henn di Baal-awldah nunnah grissa fannich sei awwa. Si henn di insens-awldah nunnah kakt es ovvich eena voahra, un henn di Ashera-poshta, di abgettah un di gegossana gleichnisa fabrocha. Si henn dee in shtikkah fabrocha, henn si ufgmawla in shtawb un henn si ivvah di grayvah kshtroit funn selli es gopfaht katt henn zu eena.

Hiob 38:32

Kansht du di shtanna macha raus kumma an di recht zeit, adda da Beah fiahra im himmel mitt sei yungi?

Ezekiel 8:6

Eah hott no ksawt zu miah, “Mensha-kind, saynsht du vass si am du sinn do? Saynsht du di unbegreiflichi veeshti sacha es es haus funn Israel am du is do, sacha es mich veit vekk dreibt funn meim tempel? Avvah du zaylsht sacha sayna es even noch may grausam sinn.”

Hosea 10:5

Di leit es in Samaria voona feicha sich fa's abgott-kalb faliahra an Beth-Aven. Di leit heila drivvah un so doon di preeshtah, selli preeshtah es sich kfroit henn ivvah demm kalb sei hallichkeit, veil's vekk gnumma vadda is.

Zephania 1:4

“Ich zayl mei hand naus shtrekka geyyich Juda, geyyich awl selli es in Jerusalem voona. Ich shneit ab funn demm blatz alles es ivvahrich is funn Baal, un di nayma funn di abgott-preeshtah, un aw di preeshtah es vekk gedrayt sinn fumm Hah—