2. Kaynicha 23:14 - Pennsylvania Dutch Bible

¹⁴ Eah hott di shtaynicha poshta in shtikkah fabrocha, un hott di holsicha Ashera-poshta nunnah kakt. No hott eah da blatz vo si voahra gedekt mitt mensha gnocha.

2. Kaynicha 23:14 ပူးပေါင်းရင်းမြစ်များ

2. Kaynicha 18:4

Eah hott di hohcha-bletz runnah grissa, hott di shtay-poshta fabrocha un hott di Ashera-poshta runnah kshnidda. Eah hott di bronze shlang es da Mosi gmacht katt hott in shtikkah fabrocha, veil nuff biss an dee zeit henn di Kinnah-Israel insens gebrend zu iahra. Dee shlang voah Nehusthan kaysa.

2. Kaynicha 23:16

No hott da Josia rumm gegukt un hott di grayvah ksenna es datt uf em hivvel voahra. Eah hott di gnocha no aus di grayvah gnumma un hott si fabrend uf em awldah so es da awldah unrein gmacht voah. Dess voah fa's vatt fumm Hah folfilla es da mann funn Gott foahksawt hott veyyich dee sacha.

2. Mosi 23:24

Du solsht iahra gettah nett ohbayda adda deena, un nett du vi si doon. Avvah du solsht iahra abgettah umreisa un si alles fabrecha.

2. Mosi 34:13

Reis iahra awldahra nunnah, fabrech iahra shtaynichi gettah, un hakk iahra holsichi Ashera-poshta nunnah.

Jesoiya 27:9

Dess is dann vi em Jakob sei sind fagevva vatt, un dess zayld di frucht difunn sei, es sei sinda vekk gnumma voahra: Vann eah moll di awldah-shtay macht vi ufgmawlani kallich-shtay, un kenn Ashera-poshta un insens awldahra may datt shtayn.

Jesoiya 44:19

Nimmand shtobt un denkt drivvah, nimmand hott di eisicht un fashtayt genunk fa sawwa, “Dihelft havvich gyoost fa feiyah macha; ich habb broht gebakka uf em feiyah, flaysh gekocht un habb gessa. Soll ich nau en grausam ding macha mitt em ivvahricha? Soll ich nunnah gneeya zu en hols glotz?”

Ezekiel 6:5

Ich layk di dohda funn di Kinnah-Israel fannich iahra abgettah un shtroi iahra gnocha um eiyah awldahra rumm.

Micha 1:7

Awl iahra abgettah zayla fabrocha sei, un awl iahra tempel-lohn vatt fabrend mitt feiyah. Ich zayl awl iahra abgott-gleichnisa nunnah reisa. See hott iahra huahra-lohn zammah ksammeld, un's vatt viddah gyoost fa huahra-lohn.”

4. Mosi 19:16

Ennich ebbah draus im uffena es ebbah ohraykt es umkumma is beim shvatt, adda ebbah es nadiahlich kshtauva is, adda ebbah es mensha gnocha adda en grawb ohgraykt hott, sellah mensh zayld unrein sei fa sivva dawk.

4. Mosi 19:18

En mann es rein is soll no samm hyssop in's vassah dunka, un soll's uf da tent shpritza, un uf awl's sach un di leit es drinn voahra. Eah muss aw alli-ebbah shpritza es en mensha gnocha ohgraykt katt hott, adda en grawb, adda ebbah es doht gmacht voah, adda ebbah es nadiahlich kshtauva is.

4. Mosi 33:52

dann sellet diah awl di leit im land ausdreiva fannich eich. Diah misset awl iahra abgettah-gleichnisa un gegossani gleichnisa fabrecha un awl iahra hohchi-bletz zammah reisa.

5. Mosi 7:5

Dess is vass diah du sellet zu eena: Diah sellet iahra awldahra nunnah reisa, iahra shtay-poshta fabrecha, iahra Ashera-poshta nunnah hakka un iahra abgettah fabrenna mitt feiyah.