2. Kaynicha 21:8 - Pennsylvania Dutch Bible

⁸ Un ich mach di fees funn Israel nimmi may aus em land lawfa es ich iahra foah-feddah gevva habb, vann si yusht acht gevva fa du vass ich si gebodda habb, un si halda's gans Ksetz es mei gnecht da Mosi eena gevva hott.”

2. Kaynicha 21:8 ပူးပေါင်းရင်းမြစ်များ

2. Samuel 7:10

Un ich mach en blatz fa mei leit Israel un blans si so es si iahra aykni haymet henn un nimmi gedruvveld sinn. Gottlohsi leit zayla si nimmi nunnah dredda vi si henn am ohfang,

1. Chronik 17:9

Ich zayl en blatz macha fa mei leit Israel, un zayl si anna blansa so es si en haymet henn funn iahra ayknes, un braucha nimmi gmooft sei. Ungettlichi leit zayla si nimmi nunnah dredda vi si henn am ohfang,

2. Chronik 33:8

Ich mach di fees funn di Israeliddah nee nimmi's land falossa es ich gevva habb zu eiyah foah-feddah, vann si yusht alles doon es ich gebodda habb im ksetz, di adninga un gebodda es ich em Mosi gevva habb.”

Psalm 37:3

Du dei fadrauwa in da Hah un du goot, no kansht im land voona un brauchsht dich nett feicha.

Jesoiya 1:19

Vann diah villing sind un miah heichet, dann zaylet diah's besht frucht fumm land essa;

Jeremia 7:23

avvah ich habb eena dess gebott gevva: Heichet miah, no zayl ich eiyah Gott sei un diah zaylet mei leit sei. Lawfet folshtendich im vayk es ich eich gebodda habb. No zayld's goot gay mitt eich.