2. Kaynicha 21:21 - Pennsylvania Dutch Bible

²¹ Eah is gloffa in awl di vayya es sei daett gloffa is, hott di gettah gedeend es sei daett gedeend katt hott un hott si ohgebayda.

2. Kaynicha 21:21 ပူးပေါင်းရင်းမြစ်များ

2. Kaynicha 21:11

“Da Kaynich Manasse funn Juda hott dee grausami sinda gedu. Eah hott veeshtah evil gedrivva es di Amoriddah henn es datt voahra eb eah, un hott Juda in sinda kfiaht mitt sei abgettah.

2. Kaynicha 21:2

Eah hott evil gedu im Hah sei awwa, un is di grausami sacha nohch ganga es di heida gedu henn, dee leit es da Hah ausgedrivva katt hott fannich di Kinnah-Israel.

2. Kaynicha 21:20

Eah hott gedu vass evil voah im Hah sei awwa, grawt vi sei daett da Manasse gedu hott.

2. Kaynicha 21:22

Eah hott da Hah, da Gott funn sei foah-feddah, falossa, un is nett gloffa im vayk fumm Hah.

2. Kaynicha 23:12

Eah hott di awldahra zammah grissa es di kaynicha funn Juda ufkokt katt henn uf em dach nayksht am Ahas sei shtubb, un aw di awldahra es da Manasse gmacht katt hott in di zvay courts fumm Hah sei tempel. Eah hott si runnah gnumma, hott si in shtikkah kshlauwa un si in di Kidron Valley kshmissa.

2. Kaynicha 23:24

Un da Josia is aw lohs vadda funn awl di foah-sawwah un zaubahrah, di gleichnisa un gettah, un awl di anra grausami sacha es in Juda un Jerusalem voahra. Eah hott dess gedu fa di vadda fumm ksetz ausrichta es ufkshrivva voahra im buch es da preeshtah Hilkia kfunna hott im tempel fumm Hah.

2. Kaynicha 23:32

Da Joahas hott evil gedu im Hah sei awwa grawt vi sei foah-feddah gedu katt henn.

2. Kaynicha 24:9

Da Joiachin hott evil gedu im Hah sei awwa, grawt vi sei daett gedu katt hott.