2. Kaynicha 2:23 - Pennsylvania Dutch Bible

²³ Funn datt is da Elisa nuff an Beth-El ganga. Vi eah am gay voah uf em vayk, sinn samm yungi boova aus di shtatt kumma un henn een fashpott. Si henn ksawt, “Gay nuff du bawl-kobb, gay nuff du bawl-kobb!”

2. Kaynicha 2:23 ပူးပေါင်းရင်းမြစ်များ

1. Mosi 21:9

No hott di Sara da boo ksenna am shpodda. Dess is di Hagar funn Egypta iahra boo es see katt hott mitt em Abraham.

2. Kaynicha 2:11

Diveil es si am mitt-nannah lawfa un am shvetza voahra—uf aymol is en feiyahrichah vauwa un feiyahrichi geil bei kumma un henn si funn-nannah gedu. Un da Elia is nuff in da himmel ganga in en vind-veahvel.

2. Kaynicha 2:2

Da Elia hott no ksawt zumm Elisa, “Bleib do, da Hah hott mich noch Beth-El kshikt.” Avvah da Elisa hott ksawt, “Yusht so shuah es da Hah laybt un es du laybsht, dann zayl ich dich nett falossa.” No sinn si mitt-nannah nunnah an Beth-El ganga.

2. Kaynicha 2:22

Un sell vassah is kayld geblivva biss heit, so vi da Elisa ksawt katt hott.

2. Chronik 36:16

Avvah si henn Gott sei vatt fa'acht un selli fashpott es es gedrawwa henn; si henn Gott sei brofayda falacht, biss em Hah sei zann ufkshtatt voah geyyich sei leit un kenn vayk voah fa's shtobba.

Hiob 19:18

Even di glenna kinnah vella nix zu du havva mitt miah, vann ich uf shtay, fashpodda si mich.

Hiob 30:1

“Avvah nau selli es yingah sinn es ich, fashpodda mich; ich hett als iahra feddah fa'acht, un si nett mitt mei shohf-hund gedu.

Psalm 31:17

Loss mich nett in da shohm gebrocht sei, oh Hah, fa ich roof zu diah. Loss di gottlohsa sich shemma, loss si shtill im grawb leiya.

Psalm 31:18

Mach shtill di leftz es leeya, selli es hohchmeedich shvetza geyyich di gerechta mitt grohs-feelichi un shtolsi kshvetzah.

Psalm 35:15

Avvah vo ich kshtolbaht binn, sinn si zammah kumma mitt frayt; Veeshti leit sinn zammah kumma geyyich mich, un henn kshvetzah gedrawwa veyyich miah unni ufheahra.

Shpricha 20:11

Even en kind veist vass es is bei vass es dutt, bei gukka kann ma sayna eb's eahlich un goot is.

Shpricha 22:15

Dumheida sinn im hatz funn kinnah, avvah da shlayk-shtekka dreibt's aus eena.

Shpricha 22:6

Lann en kind vi eah gay soll, un vann eah moll ald vatt drayt eah nett vekk difunn.

Breddichah 11:10

So nemm da angsht aus deim hatz, un du vekk vass diah shmatza gebt. Fa's is feel es ma nett fashtay kann vann ma yung is.

Jesoiya 1:4

Oh, sindlichi leit, leit es nunnah-glawda sinn mitt shulda, nohch-kummashaft funn evil-shaffah, gans fadauvani kinnah! Si henn da Hah falossa, sellah Heilich in Israel nunnah gedrayt, un iahra bikkel geyyich een gedrayt.

Jesoiya 3:5

Di leit zayla nannah nunnah dredda, mann geyyich mann, un nochbah geyyich nochbah. Di yunga leit zayla sich ufshtella geyyich di alda, selli unni eah geyyich selli mitt eah.

Jeremia 20:7

Oh Hah, du hosht mich fafiaht, un ich habb mich fafiahra glost. Du voahsht zu shteik fa mich un hosht gvunna. Ich binn am fashpott vadda da gans dawk lang, alli-ebbah falacht mich.

Jeremia 20:8

Alli-mohl es ich shvetz muss ich naus greisha es heslichi gvald un fadauves am kumma is. Deich sell dutt's vatt Gottes miah yusht faniddahres un shpott bringa.

Jeremia 7:18

Di kinnah geddahra feiyah-hols, di feddah shtekka's feiyah oh un di veibsleit shaffa da dayk un bakka kucha fa di kaynich-fraw fumm himmel. Si leahra drink-opfahra aus zu anri gettah yusht fa mich fa'eiyahra.

Hosea 10:15

Sell is vass es gebt zu diah, oh Beth-El, veil dei ungettlichkeit grohs is. Vann sellah meiya kumd zayld da kaynich funn Israel folshtendich umkumma.”

Hosea 10:5

Di leit es in Samaria voona feicha sich fa's abgott-kalb faliahra an Beth-Aven. Di leit heila drivvah un so doon di preeshtah, selli preeshtah es sich kfroit henn ivvah demm kalb sei hallichkeit, veil's vekk gnumma vadda is.

Hosea 4:15

Even vann du huahrahrei dreibsht, oh Israel, loss nett Juda aw shuldich vadda. Gaynd nett noch Gilgal un gaynd nett nuff an Beth-Aven. Doond nett shveahra, ‘So shuah es da Hah laybt!’

3. Mosi 13:40

Vann en mann sei hoah faliaht uf em kobb, un is bawld, dann is eah rein.

Amos 3:14

“Uf em dawk es ich Israel shtrohf fa iahra sinda, dann reis ich aw di awldahra funn Beth-El nunnah; di hanna fumm awldah vadda abkakt, un zayla uf da bodda falla.

Amos 4:4

“Yau, gaynd an Beth-El un sindichet, gaynd an Gilgal un sindichet noch may. Bringet eiyah opfahra alli meiya, un eiyah zeyyadel alli drei yoah.

Amos 5:5

suchet nett hilf funn Beth-El, gaynd nett zu Gilgal, un gaynd nett nivvah zu Beer-Seba. Fa Gilgal vatt kfanga vekk gnumma, un Beth-El zayld zu nix kumma.”

Amos 7:13

Broffetzei nimmi do an Beth-El; dess is em kaynich sei heilich haus, da tempel fumm gans kaynich-reich.”

Galater 4:29

Un grawt vi an selli zeit, sellah vo geboahra voah noch em flaysh, hott da annah fafolkt vo geboahra voah noch em Geisht, so is es nau aw.

Hebräer 11:36

Un anri sinn fashpott un fagaysheld vadda, un voahra gebunna mitt kedda un voahra eikshtekt.