2. Kaynicha 18:36 - Pennsylvania Dutch Bible

³⁶ Avvah di leit voahra gans shtill un henn nix ksawt. Dess voah veil da kaynich si gebodda katt hott, “Gevvet eem kenn andvat.”

2. Kaynicha 18:36 ပူးပေါင်းရင်းမြစ်များ

2. Kaynicha 18:35

Vels funn di gettah funn awl dee lendah hott dess land aus mei hand halda kenna? So dann, vi kann da Hah Jerusalem frei halda funn di graft funn mei hand?”

2. Kaynicha 18:37

No is da Eliakim, em Hilkia sei boo, es ivvah's kaynich-haus voah, da Sebna da shreivah, un da Joah, em Asaph sei boo, es di bichah kalda hott, zumm kaynich ganga mitt iahra glaydah farissa. Si henn eem ksawt vass da feld-hauptmann ksawt katt hott.

Psalm 39:1

Ich habb miah dess foah-gnumma: Ich zayl mei vayya heeda, so es ich nett sindich mitt mei zung. Ich hald mei maul shtill, so lang es di ungettlicha um mich rumm sinn.

Shpricha 26:4

Gebb em unksheida kenn ksheit andvat, adda du mechsht vadda vi eah is.

Shpricha 9:7

Veah en shpoddah recht setzt, vatt yusht gebyoost difoah, un veah en gottlohsa mensh recht setzt, vatt fafolkt.

Breddichah 3:7

En zeit fa funn-nannah reisa, un en zeit fa zammah nayya; en zeit fa shtill sei, un en zeit fa shvetza.

Amos 5:13

Fasell dutt da shmeaht mann nix sawwa an so en zeit, fa di zeida sinn evil.

Matthäus 7:6

Gevvet nett sell vass heilich is zu di hund, un shmeiset nett eiyah keshtlichi sacha zu di sei, shunsht doon si's fadredda mitt di fees un no rumm drayya un eich fareisa.”