2. Kaynicha 18:27 - Pennsylvania Dutch Bible

²⁷ Avvah da feld-hauptmann hott ksawt zu eena, “Hott mei meishtah mich kshikt fa dee vadda sawwa yusht zu eich un eiyah meishtah, un nett zu di leit es uf di shtatt-mavvah hokka? Nay, ich binn aw am shvetza zu di leit uf di mavvah, dee es glei iahra ayknah misht essa missa un iahra ayknah saych drinka, grawt vi diah aw misset.”

2. Kaynicha 18:27 ပူးပေါင်းရင်းမြစ်များ

2. Kaynicha 18:17

Da kaynich funn Assyria hott da Tartan, da Rabsaris un sei feld-hauptmann funn Lachis zumm Kaynich Hiskia kshikt an Jerusalem mitt en grohsi army. Si sinn ruff an Jerusalem kumma un henn kshtobt am vayk nayvich em grawva fumm evvahshta vassah-loch, datt vo di duch-veshah shaffa.

2. Kaynicha 18:26

No henn em Hilkia sei boo, da Eliakim, da Sebna un da Joah ksawt zumm feld-hauptmann, “Shvetz zu uns, dei gnechta, in di Aramayish shprohch; miah kenna's fashtay. Shvetz nett zu uns in di Hebrayish shprohch so es di leit uf di shtatt-mavvahra's fashtay kenna.”

2. Kaynicha 18:28

No is da feld-hauptmann ufkshtanna un hott naus gegrisha in di Hebrayish shprohch, “Heichet's vatt ab fumm mechticha kaynich, da kaynich funn Assyria!

2. Kaynicha 6:25

Un's voah en grohsi hungahs-noht in Samaria. Si henn di shtatt so lang eikshpatt kalda, es en aysel-kobb fakawft hott fa achtzich shtikkah silvah, un en hand-foll dauva misht fa fimf shtikkah.

Psalm 73:8

Si shpodda un shvetza mitt hass; si sinn grohs-feelich un droiya fa anri letz du.

Jesoiya 36:12

Avvah da hauptmann hott ksawt, “Hott mei meishtah mich yusht zu diah un dei meishtah kshikt fa dee vadda sawwa, un nett zu di mennah es drovva uf di shtatt-mavvahra hokka? Si, mitt eich, missa eiyah ayknah misht essa un eiyah ayknah saych drinka.”

Glawk-Leedah 4:4

Deich dasht dutt em glay kind sei zung zu di gummah funn sei maul shtekka; di kinnah frohwa fa broht, avvah nimmand gebt eena ennichs.

Glawk-Leedah 4:5

Selli es als fei ess-sach gessa henn, sinn nau am fahungahra in di shtrohsa. Selli es als geglayt voahra in purpel, leiya nau uf di esh-heifa.

Ezekiel 4:13

Da Hah hott ksawt, “Grawt vi sell, zayla di Kinnah-Israel unrein broht essa unnich di heida, datt vo ich si anna dreib.”

Ezekiel 4:15

No hott eah ksawt, “Dann loss ich dich kee-misht brenna in blatz funn mensha-misht fa dei broht bakka.”