2. Kaynicha 17:35 - Pennsylvania Dutch Bible

³⁵ Vo da Hah en bund gmacht hott mitt di Israeliddah, hott eah eena dess gebott gevva: “Diah sellet kenn anri gettah firchta, baydet si nett oh, deenet si nett un opfahret nett zu eena.

2. Kaynicha 17:35 ပူးပေါင်းရင်းမြစ်များ

Richtah 6:10

Ich habb ksawt zu eich, “Ich binn da Hah, eiyah Gott. Deenet nett di gettah funn di Amoriddah, dee vo im land voahra vo diah nau drinn voonet.” Avvah diah hend miah nett keicht.’”

Joshua 23:16

Vann diah sell bund nett haldet es da Hah eiyah Gott eich gebodda hott, un gaynd un deenet anri gettah, un bikket eich nunnah zu eena, dann zayld em Hah sei zann hays brenna geyyich eich, un's zayld kshvind nimmand funn eich may ivvahrich sei in demm gooda land es eah gevva hott zu eich.”

Joshua 23:7

so es diah nix zu du hend mitt di leit in dee lendah es noch do unnich eich sinn. Baydet nett zu iahra gettah un shveahret nett bei si. Doond iahra gettah nett deena un eich nunnah bikka zu eena.

Jeremia 10:5

Vi en butzamann fa fekkel fatt yawwa im goahra, iahra abgettah kenna nett shvetza; si missa gedrawwa sei, veil si nett lawfa kenna. Feichet eich nett veyyich eena; si kenna eich kenn shawda du, un si kenna aw nix goodes du.”

2. Kaynicha 17:15

Si henn sei gebodda nunnah gedrayt un's bund es eah gmacht katt hott mitt iahra foah-feddah, un aw di vanninga es eah eena gevva katt hott. Si sinn iahra nix-nutzichi abgettah nohch ganga un sinn selvaht vadda vi si. Si henn gedu vi di heida um si rumm, even noch demm es da Hah eena ksawt katt hott, “Doond nett di sacha es si doon.” Doch henn si di sacha gedu es da Hah si fabodda katt hott fa du.

2. Mosi 20:3

Du solsht kenn anri gettah nayvich miah havva.

5. Mosi 5:9

Diah sellet eich nett nunnah bikka adda si deena, fa ich, da Hah, binn eiyah Gott, un ich binn en jealousah Gott, un ich shtrohf di kinnah fa di sinda funn di feddah biss an di dritt un fiaht nohch-kummashaft funn selli es mich hassa.

Jeremia 25:6

Gaynd nett anri gettah nohch fa si deena un ohbayda; fazannet mich nett mitt sell vass eiyah hend gmacht henn. No doon ich eich nett shtrohfa.”

5. Mosi 5:2

Da Hah unsah Gott hott en bund gmacht mitt uns an Horeb.

5. Mosi 6:14

Diah sellet kenn anri gettah noch gay; sell is, di abgettah funn di leit um eich rumm;