2. Kaynicha 15:27 - Pennsylvania Dutch Bible

²⁷ Im zvay un fuftzichsht yoah fumm Kaynich Asaria funn Juda is da Pekah, em Remalia sei boo, kaynich vadda funn Israel. Eah voah kaynich fa zvansich yoah.

2. Kaynicha 15:27 ပူးပေါင်းရင်းမြစ်များ

2. Kaynicha 15:1

Im sivvana zvansisht yoah fumm Kaynich Jerobeam sei reich in Israel, is em Amazia sei boo da Asaria kaynich vadda in Juda.

2. Kaynicha 15:13

Em Jabes sei boo da Sallum is kaynich vadda im nein un dreisisht yoah fumm Kaynich Usia sei reich in Juda. Eah voah kaynich fa ay moonet.

2. Kaynicha 15:2

Eah voah sechtzay yoah ald vo eah kaynich vadda is, un eah voah kaynich in Jerusalem fa zvay un fuftzich yoah. Sei maemm iahra nohma voah Jecholia un see voah funn Jerusalem.

2. Kaynicha 15:23

Im fuftzichsht yoah fumm Kaynich Asaria funn Juda is em Menahem sei boo, da Pekahia, kaynich vadda ivvah Israel in Samaria. Eah voah kaynich fa zvay yoah.

2. Kaynicha 15:25

Ayns funn sei evvahshti hauptmennah, em Remalia sei boo da Pekah, hott geyyich da Pekahia kshaft. Eah hott fuftzich mennah funn Gilead mitt sich gnumma un hott da Pekahia doht gmacht un aw da Argob un da Aria. Dess hott blatz gnumma im innahlicha blatz fumm kaynich sei haus in Samaria. No is da Pekah kaynich vadda im blatz fumm Pekahia.

2. Kaynicha 15:26

Di ivvahricha sacha fumm Pekahia sei reich un vass eah gedu hott, sinn ufkshrivva im buch fumm shreives veyyich di kaynicha funn Israel.

2. Kaynicha 15:28

Eah hott evil gedu im Hah sei awwa un is nett vekk gedrayt fumm Jerobeam, em Nebat sei boo sei sinda, dee sinda es eah aw Israel gmacht hott du.

2. Kaynicha 15:37

Es voah an selli zeit es da Hah seahsht da Kaynich Rezin funn Syria un da Kaynich Pekah, em Remalia sei boo, geyyich Juda kshikt hott.

2. Kaynicha 15:8

Im acht un dreisisht yoah fumm Kaynich Asaria funn Juda, is em Jerobeam sei boo da Sacharia kaynich vadda funn Israel in Samaria. Eah voah kaynich fa sex moonet.

2. Chronik 28:6

Em Remalia sei boo da Pekah funn Israel hott en hunnaht un zvansich dausend greeks-gnechta funn Juda umgebrocht in aym dawk, veil si da Hah, da Gott funn iahra foah-feddah, falossa katt henn.

Jesoiya 7:1

Da Ahas voah em Jotham sei boo, un da Jotham voah em Usia sei boo. Vo da Ahas kaynich voah funn Juda, is da Rezin un da Pekah nuff ganga fa fechta geyyich Jerusalem. Da Rezin voah da kaynich funn Syria un da Pekah, em Remalia sei boo, voah da kaynich funn Israel. Si sinn zammah ganga geyyich Jerusalem avvah si henn di shtatt nett ivvah-kumma kenna.

Jesoiya 7:4

Sawk zumm Ahas, ‘Gebb acht, hald dich shtill un feich dich nett. Loss dei hatz nett shvach sei veyyich em grohsa zann fumm Rezin un Syria un em Remalia sei boo. Si sinn so shvach vi zvay shtekka am brenna es yusht shiah aus sinn.

Jesoiya 7:9

Da kobb ivvah Ephraim is di shtatt Samaria, un da kobb ivvah Samaria is yusht em Remalia sei boo. Vann eiyah glawva nett shteik is, dann zaylet diah nett shtay.”’”