2. Kaynicha 13:14 - Pennsylvania Dutch Bible

¹⁴ Nau vo da Elisa grank vadda is mitt di granket es eah kshtauva is mitt, dann is da Kaynich Joas funn Israel nunnah ganga zu eem un hott keild ivvah een. Eah hott ksawt, “Mei faddah! Mei faddah! Di greeks-veyya funn Israel un iahra geils-mennah!”

2. Kaynicha 13:14 ပူးပေါင်းရင်းမြစ်များ

1. Mosi 48:1

Samm zeit shpaydah voah's em Joseph ksawt, “Dei daett is grank.” So hott eah sei zvay boova, da Manasse un da Ephraim, mitt sich gnumma.

1. Mosi 49:33

Vo da Jakob faddich voah mitt em gebott zu sei boova, hott eah sei fees in's bett gezowwa, hott sei letshtah ohften gnumma un voah zu sei leit gegeddaht.

1. Mosi 50:1

No is da Joseph uf sei daett sei ksicht kfalla, hott keild un hott een gekist.

2. Kaynicha 13:12

Nau di ivvahricha sacha fumm Joas sei reich un alles es eah gedu hott—vi mechtich es eah kfochta hott geyyich da Kaynich Amazia funn Juda—dee sacha sinn alles ufkshrivva im buch fumm shreives veyyich di kaynicha funn Israel.

2. Kaynicha 13:13

Da Joas hott kshlohfa mitt sei foah-feddah, un da Jerobeam hott no uf seim kaynich-shtool kokt. Da Joas voah fagrawva in Samaria mitt di kaynicha funn Israel.

2. Kaynicha 13:15

Da Elisa hott ksawt zu eem, “Grikk en bow un arrows.” No hott eah so gedu.

2. Kaynicha 2:12

Da Elisa hott dess ksenna un hott naus gegrisha, “Mei faddah, mei faddah, di veyya funn Israel un iahra geils-leit!” Un da Elisa hott een nimmi ksenna. No hott eah hohld gnumma an sei glaydah un hott si in zvay shtikkah grissa.

2. Kaynicha 20:1

In selli dawwa is da Hiskia doht-grank vadda. Da brofayt Jesoiya, em Amoz sei boo, is zu eem ganga un hott ksawt, “Dess is vass da Hah sawkt: Mach dei haus zvayk veil du shtauva zaylsht; du vasht nimmi ksund.”

2. Kaynicha 6:21

Vo da kaynich funn Israel si ksenna hott, hott eah da Elisa kfrohkt, “Soll ich si doht macha, mei faddah? Soll ich si doht macha?”

Psalm 12:1

Helf uns, Hah, fa's hott kenn gettlichi leit may, di shtandhafticha kenna nimmi kfunna sei unnich di leit.

Shpricha 11:11

Da sayya funn di ufrichticha baut di shtatt uf, avvah deich's maul funn di gottlohsa is see nunnah grissa.

Jesoiya 57:1

Di gerechta kumma um, un nimmand nemd's zu hatz; gettlichi mennah vadda vekk gnumma, un nimmand fashtayt's es di gerechta vekk gnumma sinn fa si aus di kfoah fumm evila halda.

Ezekiel 14:14

no even vann da Noah, da Daniel un da Hiob datt veahra, dann kenda si yusht iahra aykni sayl frei macha bei iahra gerechtichkeit,” sawkt da Awlmechtich Hah.

Ezekiel 22:30

Ich habb gegukt fa en mann unnich eena fa di vand ufbauwa, un fa fannich mich shtay im loch zvishich miah un em land, so es ich's nett folshtendich fadauva muss, avvah ich habb nimmand kfunna.

Sacharia 1:5

Vo sinn eiyah foah-eldra nau? Doon di brofayda noch layva?

Markus 6:20

veil da Herodes sich kfeicht hott veyyich em Johannes. Eah hott gvist es da Johannes en gerechtah un en heilichah mann voah, un fasell hott eah eem nix gedu. Vann eah da Johannes abkeicht hott is eah ganga un hott feel sacha gedu. Eah hott een als geahn abkeicht.

Johannes 11:3

Di shveshtahra henn no vatt zu Jesus kshikt un henn ksawt, “Hah, deah vo du leebsht is grank.”

Di Apostelgeschichte 13:36

Da Dawfit, noch demm es eah Gott gedeend katt hott in sei zeit, is no kshtauva un voah fagrawva mitt di foah-eldra, un is fafauld.

Philipper 2:26

Eah hott en falanga katt fa eich awl, un voah oahrich bekimmaht, veil diah keaht henn es eah grank voah.