2. Kaynicha 1:2 - Pennsylvania Dutch Bible

² Nau da Kaynich Ahasia is deich di hand-rikkel kfalla funn sei evvahshti shtubb in Samaria, un hott sich veesht vay gedu. No hott eah mennah kshikt un hott ksawt zu eena, “Gaynd un frohwet da gott Baal-Sebub, da gott funn di shtatt Ekron, fa ausfinna eb ich kayld sei zayl funn dee granket.”

2. Kaynicha 1:2 ပူးပေါင်းရင်းမြစ်များ

1. Kaynicha 11:33

Ich zayl dess du veil si mich falossa henn, un henn di gettah-fraw Astharoth funn Sidon, da Kamos gott funn Moab un da Milkom gott funn Ammon gedeend. Si sinn nett in mei vayya gloffa un henn gedu vass recht is in mei awwa. Si henn aw mei adninga un gebodda nett kalda vi da Dawfit, em Solomon sei faddah, hott.

1. Kaynicha 14:3

Nemm zeyya layb broht mitt diah, un aw samm kucha un hunnich. Eah zayld diah sawwa vass es gevva zayld mitt demm boo.”

1. Kaynicha 22:34

Avvah en mann hott sei bow gezowwa unni zeela, un hott da kaynich funn Israel gedroffa zvishich en riss in sei greeks-ksha. Da kaynich hott no ksawt zumm mann am da vauwa foahra, “Dray rumm un grikk mich vekk fumm fechtes. Ich binn vay gedu.”

1. Kaynicha 22:40

Da Ahab hott no kshlohfa mitt sei foah-feddah. Un sei boo, da Ahasia, is kaynich vadda in seim blatz.

2. Kaynicha 1:16

Eah hott no ksawt zumm kaynich, “Dess is vass da Hah sawkt, ‘Is es veil's kenn Gott in Israel hott fa frohwa es du mennah kshikt hosht fa da Baal-Sebub, da gott funn Ekron, frohwa? Veil du dess gedu hosht zaylsht du nee nett uf shtay aus em bett es du am druff leiya bisht. Du zaylsht fashuah shteahva!’”

2. Kaynicha 1:3

Avvah da engel fumm Hah hott ksawt zumm Elia da Thisbiddah, “Gay nuff un dreff di mennah oh es da kaynich funn Samaria kshikt hott, un sawk zu eena, ‘Is es veil's kenn Gott in Israel hott es diah am gay sind da Baal-Sebub, da gott funn Ekron frohwa?’

2. Kaynicha 1:6

Si henn ksawt, “En mann is kumma uns ohdreffa, un eah hott ksawt zu uns, ‘Gaynd zrikk zumm kaynich es eich kshikt hott un sawwet eem, “Dess is vass da Hah sawkt: Is es veil kenn Gott in Israel is es du am mennah shikka bisht fa da Baal-Sebub, da gott funn Ekron, frohwa? Fasell zaylsht du nett aus em bett kumma es du am druff leiya bisht. Du zaylsht fashuah shteahva!”’”

2. Kaynicha 17:16

Si henn em Hah iahra Gott sei gebodda falossa, un henn sich zvay gegossani kelvah gmacht un en Ashera gleichnis. Si henn di himlisha shtanna ohgebayda un henn Baal gedeend.

Hiob 31:3

Kumma nett shlechti sacha uf di ungerechta, un fadauves uf selli es letz doon?

Hohches Leet 2:9

Mei beleebdah is vi en hash, vi en yungah hasha-bokk. Gukk moll, datt shtayt eah hinnich unsah vand, eah is am deich's fenshtah rei gukka deich di lechah fumm lattice.

Jesoiya 19:3

Di Egyptah zayla moot faliahra, un vass si ausmacha fa du bring ich zu nix; si frohwa roht funn iahra abgettah, di geishta funn di dohda, un funn voah-sawwah un zaubahrah.

Jesoiya 2:6

Du hosht dei leit, nohch-kummashaft fumm Jakob falossa. Si sinn foll mitt hexahrei funn di east, si dreiva zaubahrei vi di Philishtah, un si macha sich gans aynich mitt fremdi iahra vayya.

Jesoiya 37:12

Henn di gettah funn di lendah es mei foah-feddah zu nix gebrocht henn si sayf kalda—di gettah funn di shtett funn Gosan, Haran, Rezeph un di leit funn Eden es in Telassar gvoond henn?

Jesoiya 37:19

Si henn di leit iahra gettah in's feiyah kshmissa un si fabrend. Avvah si voahra nett gettah avvah yusht hols un shtay es gmacht voahra mitt mensha hend.

Matthäus 10:25

Es is genunk fa da yingah sei vi sei meishtah, un da gnecht vi deah es een aykend. Vann si da meishtah fumm haus Beelzebub kaysa henn, vi feel may zayla si di anra im haus aw so haysa.

Markus 3:22

Un di shrift-geleahrah vo funn Jerusalem runnah kumma sinn henn ksawt, “Eah hott da Beelzebub in sich, un mitt em haychshta funn di baysa geishtah dreibt eah anri baysi geishtah raus.”

Lukas 11:15

Avvah samm funn eena henn ksawt, “Eah dreibt di deivela raus deich da Beelzebub, da ivvah-saynah funn di deivela.

Di Apostelgeschichte 20:9

Un's hott en yungah mann im fenshtah kokt es Eutychus kaysa hott. Vo da Paulus so lang gebreddicht hott, hott en deefah shlohf da Eutychus ivvah-gnumma, un eah is fumm dridda shpeichah floah runnah kfalla, un vo si een uf kohva henn voah eah doht.

Joshua 15:11

Di lein is no uf di natt seit funn Ekron ganga. Funn datt is si noch Sichron gedrayt un is am Berg Baala fabei ganga on zu Jabneel un hott kshtobt am say.

Richtah 11:24

Nemsht du nett sell vass dei gott, da Kamos, diah gebt? So, vass da Hah unsah Gott uns gevvah hott, sell zayla miah halda.

Richtah 5:28

Dihaym hott em Sisera sei maemm aus em fenshtah gegukt, deich di rissa im fenshtah hott see gegukt. ‘Favass nemd's sei greeks-vauwa so lang fa bei kumma?’ hott see ksawt. ‘Favass sinn sei geil so shloh am zrikk kumma?’

1. Samuel 5:10

So henn si di Bundes-Lawt funn Gott zu Ekron kshikt. Un vo di Bundes-Lawt funn Gott zu Ekron kumma is henn di leit funn Ekron gegrisha un henn ksawt, “Si henn di Bundes-Lawt fumm Gott funn Israel zu uns gebrocht fa uns un unsah leit doht macha.”