2. Chronik 5:13 - Pennsylvania Dutch Bible

¹³ Di blohs-hann shpeelah un di singah voahra mitt-nannah es vi ay shtimm am da Hah lohva un danka. Di blohs-hanna, cymbals un harfa henn kshpeeld diveil es di singah da Hah glohbt henn bei dee vadda singa: “Eah is goot, un sei bamhatzichi leevi is ayvich.” No voah da tempel fumm Hah kfild mitt en volk,

2. Chronik 5:13 ပူးပေါင်းရင်းမြစ်များ

1. Chronik 16:4

Eah hott samm funn di Lefiddah eiksetzt fa deena fannich di Bundes-Lawt fumm Hah. Si henn sella preis, dank un lohb gevva zumm Hah, da Gott funn Israel.

2. Chronik 20:21

Noch demm es eah kshvetzt hott mitt di leit, hott da Josaphat singah raus ksetzt fa fannich di greeks-gnechta lawfa un da Hah lohva fa sei hallichkeit. Eah hott ksawt: “Danket da Hah, fa sei shtandhaftichi-leevi is ayvichlich.”

2. Chronik 20:22

Vi si ohkfanga henn singa un da Hah lohva, hott da Hah leit hinna rumm kshikt geyyich di mennah funn Ammon, Moab un em Berg-land Seir, dee es am geyyich Juda kumma voahra, un si voahra nunnah kshlauwa.

2. Chronik 7:1

Vo da Solomon faddich voah bayda, is feiyah runnah kumma fumm himmel un hott di brand-opfahra un di anra opfahra ufgebrend, un di hallichkeit fumm Hah hott da tempel ufkfild.

2. Chronik 7:2

Di preeshtah henn nett in da tempel gay kenna veil di hallichkeit fumm Hah da tempel fumm Hah ufkfild hott.

2. Chronik 7:3

Vo awl di Kinnah-Israel's feiyah ksenna henn runnah kumma un es di hallichkeit fumm Hah uf em tempel voah, henn si sich anna gegneet un henn iahra ksichtah uf da bodda gedu. Si henn gebayda un da Hah gedankt, un henn ksawt, “Eah is goot; sei shtandhaftichi-leevi shtayt fa'immah.”

2. Chronik 7:6

Di preeshtah henn iahra bletz gnumma, un so henn di Lefiddah mitt em Hah sei instruments fa music shpeela, dee es da Kaynich Dawfit gmacht hott fa da Hah lohva vann eah als ksawt hott, “Sei shtandhaftichi-leevi shtayt fa'immah.” Uf di annah seit funn di Lefiddah henn di preeshtah iahra blohs-hanna geblohsa un gans Israel voah am shtay.

Ezra 3:11

Si henn da Hah glohbt un dank gevva zu eem vi si ksunga henn: “Eah is goot; sei leevi zu Israel bleibt fa'immah.” Un awl di leit henn laut gegrisha fa da Hah lohva, veil di mavvah fumm Hah sei haus faddich glaykt voah.

Nehemia 12:27

Nau vo's zeit voah fa di mavvah funn Jerusalem ivvah-gevva sei zu Gott, voahra di Lefiddah raus ksucht funn iahra haymeda, un voahra rei gebrocht an Jerusalem fa dess ivvah-gevves halda mitt dankes un frayt, un mitt singes, cymbals, un grohsi un glenni harfa.

Psalm 100:5

Fa da Hah is goot; sei leevi bleibt fa'immah, un sei shtandhaftichkeit bleibt ayvichlich.

Psalm 106:1

Lohb sei zumm Hah! Gevvet dank zumm Hah, fa eah is goot, un sei shtandhaftichi-leevi bleibt fa'immah.

Psalm 107:1

Gevvet dank zumm Hah, fa eah is goot; sei shtandhaftichi-leevi is ayvich.

Psalm 118:1

Gevvet dank zumm Hah, fa eah is goot; sei shtandhaftichi-leevi is ayvich.

Psalm 150:3

Lohvet een mitt blohs-hanna; lohvet een mitt grohsi un glenni harfa.

Psalm 150:5

Lohvet een mitt laudi cymbals; lohvet een bei laudi cymbals zammah shlauwa.

Psalm 22:4

Unsah feddah henn iahra fadrauwes in dich gedu, si henn in dich geglawbt un du hosht si frei ksetzt.

Psalm 81:2

Fanget oh psaltah singa, shlauwet di drumma, un shpeelet di grohsa un glenna harfa.

2. Mosi 29:43

Ich kumm aw zu di Kinnah-Israel datt, un da blatz vatt heilich gmacht bei mei hallichkeit.

Jesoiya 52:8

Heich moll, di vatsh-mennah roofa mitt laudi shtimma, si greisha zammah mitt frayt; fa si sayna mitt iahra aykni awwa, da Hah am zrikk kumma zu Zion.

Jeremia 32:39

Ich mach si ay vayk denka un ay vayk du so es si immah mich firchta fa iahra ayya goot un fa's goot funn iahra kinnah noch eena.

Jeremia 33:11

datt zayla viddah di shtimma keaht sei funn frayt un fraylichkeit, fumm hochtzich-maydel un em hochtzich-mann un di shtimma funn selli es dank-opfahra zumm Hah sei haus bringa, un sawwa, ‘Gevvet dank zumm Awlmechticha Hah veil eah goot is, un sei shtandhaftichi-leevi ayvichlich is.’ Ich zayl dess land viddah goot macha grawt vi's voah difoah,” sawkt da Hah.

Di Apostelgeschichte 4:32

Un di grohs drubb es glawvich voah, hott mitt ay hatz, un ay sayl geglawbt. Un nimmand hott ksawt es ennich ebbes es eah katt hott sei ayknes voah, avvah si henn alles mitt-nannah katt.

Römer 15:6

Dess is so es diah awl aynich sind un mitt ay shtimm Gott lohvet, deah vo da Faddah funn unsahm Hah Jesus Christus is.

Di Offenbarung 15:8

Un da tempel voah kfild mitt shmohk funn di hallichkeit funn Gott un funn sei graft. Nimmand hott in da tempel gay kenna biss di sivva blohwa funn di sivva engel faddich gmacht voahra.