2. Chronik 5:12 - Pennsylvania Dutch Bible

¹² Awl di preeshtah es singah voahra; naymlich, da Asaph, da Heman, da Jedithun un iahra boova un freindshaft henn uf di east seit fumm awldah kshtanna. Si henn glaydah oh katt funn fei linnen un henn cymbals, grohsi harfa un glenni harfa kshpeeld. Mitt eena voah en hunnaht un zvansich preeshtah am blohs-hanna blohsa.

2. Chronik 5:12 ပူးပေါင်းရင်းမြစ်များ

1. Chronik 13:8

Da Dawfit un awl di Israeliddah voahra am singa un dansa mitt awl iahra macht fannich Gott, un henn ksunga un kshpeeld mitt grohsi un glenni harfa, tambourines, cymbals un blohs-hanna.

1. Chronik 15:24

Di preeshtah Sebania, Josaphat, Nathanael, Amasai, Sacharia, Benaia un Elieser henn sella di blohs-hanna blohsa fannich di Bundes-Lawt funn Gott. Da Obed-Edom un da Jehia henn aw sella doah-heedah sei fa di Bundes-Lawt.

1. Chronik 15:27

Da Dawfit hott en feinah linnen rokk oh katt, grawt vi di Lefiddah es am di Lawt drawwa voahra, un aw vi di singah katt henn un da Chenania es am foah gay voah mitt em singes. Da Dawfit hott aw en linnen preeshtah-shatz oh katt.

1. Chronik 23:30

Si henn alli meiya missa shtay un da Hah lohva un danka. No henn si dess viddah gedu ohvets,

1. Chronik 23:5

Fiah dausend sella doah-heedah sei, un fiah dausend sella lohb singa mitt harfa un blohs-hanna, dee sacha es ich gevva habb fa lohb singa mitt.”

1. Chronik 6:33

Dess sinn selli es gedeend henn mitt iahra boova: funn di Kahathiddah voah's da Heman, da singah, es em Joel sei boo voah, es em Samuel sei boo voah,

1. Chronik 6:39

Em Heman sei helfah voah sei broodah da Asaph, es an sei rechtsi hand voah. Dess voah da Asaph es em Berech sei boo voah, es em Simea sei boo voah,

2. Chronik 29:25

Eah hott di Lefiddah in da tempel fumm Hah kshteld mitt cymbals, grohsi harfa un glenni harfa so vi's foahksawt voah beim Dawfit, beim Gad, em kaynich sei brofayt, un beim brofayt Nathan. Dess voah gebodda beim Hah deich sei brofayda.

2. Chronik 29:26

So henn di Lefiddah datt kshtanna mitt di music-instruments fumm Dawfit un di preeshtah mitt blohs-hanna.

2. Chronik 7:6

Di preeshtah henn iahra bletz gnumma, un so henn di Lefiddah mitt em Hah sei instruments fa music shpeela, dee es da Kaynich Dawfit gmacht hott fa da Hah lohva vann eah als ksawt hott, “Sei shtandhaftichi-leevi shtayt fa'immah.” Uf di annah seit funn di Lefiddah henn di preeshtah iahra blohs-hanna geblohsa un gans Israel voah am shtay.

Psalm 149:3

Loss si sei nohma lohva mitt dansa; si sella een deena mitt grohsi un glenni harfa.

Psalm 50:1

Da Awlmechtich Gott, da Hah, shvetzt, un rooft di eaht, fumm blatz es di sunn ufkumd, biss an da blatz es si unnah gayt.

Psalm 62:1

Mei sayl is shtill un voaht yusht laynich uf Gott; funn eem kumd mei saylichkeit.

Psalm 68:25

Di singah gayn seahsht, un di shpeelah hinna nohch, in di mitt kumma di mayt am di drumma shlauwa.

Psalm 88:1

Oh Hah Gott, mei Heiland, ich roof zu diah fa hilf dawk un nacht.

Psalm 92:3

mitt di zeyya-kshtringd harf, un aw mitt di grohs harf.

Di Offenbarung 15:6

Un di sivva engel mitt di sivva blohwa sinn aus em tempel kumma. Si voahra geglayt mitt sauvahri, sheinichi glaydah, gmacht funn linnen duch un si henn en goldich band um iahra brusht rumm katt.

Di Offenbarung 19:8

Un's voah iahra gevva fa sich ohdu mitt fei linnen duch es rein un sauvah is.” (Fei un keshtlich linnen duch is di gerechtichkeit funn dee vo saylich sinn.)