2. Chronik 26:16 - Pennsylvania Dutch Bible

¹⁶ Vo da Usia mechtich vadda is, is eah shtols vadda un dess hott een falla gmacht. Eah is geyyich da Hah, sei Gott ganga, un is in da tempel fumm Hah ganga fa insens brenna uf em insens-awldah.

2. Chronik 26:16 ပူးပေါင်းရင်းမြစ်များ

1. Kaynicha 12:33

Uf em fuftzayda dawk fumm achta moonet, en moonet es eah selvaht raus glaysa hott, hott eah opfahra gopfaht uf em awldah es eah gebaut hott an Beth-El. So hott eah en fesht-dawk gmacht fa di Israeliddah un hott opfahra gmacht un insens gebrend uf em awldah.

1. Kaynicha 13:1

En mann funn Gott is funn Juda ruff kumma an Beth-El in Israel deich's vatt fumm Hah. Dess hott blatz gnumma diveil es da Jerobeam beim awldah kshtanna hott fa insens brenna.

2. Kaynicha 14:10

Yau, du bisht di Edomiddah ivvah-kumma, nau is dei hatz shtols. Sei zufridda mitt dei hallichkeit un bleib dihaym. Favass suchsht du fa druvvel es dich falla macht, du un Juda mitt diah?”

2. Kaynicha 15:5

Da Hah hott een kshlauwa mitt aussatz un eah hott dess katt biss eah kshtauva is. Eah hott missa in en haus voona vekk funn di anra heisah. Em kaynich sei boo da Jotham voah ivvah's kaynich-haus un hott di leit groold im land.

2. Chronik 12:1

Vo em Rehabeam sei kaynich-reich moll fesht ufksetzt voah un eah shteik voah, hott eah un gans Israel em Hah sei ksetz falossa.

2. Chronik 25:19

Du sawksht zu diah selvaht es du bisht Edom ivvah-kumma, un nau is dei hatz shtols un braekt. Du bessah bleibsht dihaym. Favass setsht du gukka fa druvvel es dich un Juda mitt diah falla macht.”

2. Chronik 26:15

In Jerusalem hott eah shtay shmeis-mesheena macha glost bei shmeahdi mennah. Dee voahra ufkokt uf di tavvahs un vanda ekka. Funn dee henn leit sheesa kenna un aw grohsi shtay shmeisa mitt. Leit henn keaht veyyich eem veit rumm, un mitt awl di hilf es eah grikt hott, is eah mechtich vadda.

2. Chronik 27:2

Eah hott gedu vass recht voah zumm Hah, grawt vi sei daett da Usia gedu katt hott. Avvah eah is nett in da tempel fumm Hah ganga vi sei daett. Di leit, avvah, henn alsnoch ohkalda in iahra unreinah vayk.

2. Chronik 32:25

Avvah em Hiskia sei hatz is shtols vadda un eah hott sich nett ufgedrawwa vi's shiklich voah fa di bamhatzichkeit es gvissa voah zu eem; fasell is em Hah sei zann uf een un Jerusalem un Juda kumma.

Shpricha 16:18

Di shtolsheit gayt fannich's fadauves heah, un da hohchmoot fannich em fall.

Daniel 11:12

Vann awl di greeks-leit moll fatt gedrawwa vadda, dann vatt da kaynich funn di Saut oahrich shtols un shlacht dausends funn leit. Avvah eah zayld nett ohhalda di evvahsht-hand havva.

Daniel 8:8

Da gays-bokk is oahrich grohs vadda avvah vo eah am sei shteikshta voah, is sei grohs hann abgebrocha vadda. Un an seim blatz sinn fiah anri hanna raus gvaxa geyyich di fiah vinda fumm himmel.

Habakuk 2:4

Gukk moll, sellah es shtols is, is nett recht in sei sayl; avvah da gerecht zayld layva bei seim glawva.

4. Mosi 16:1

Da Korah, em Jizhar sei boo, es em Kahath sei boo voah, es em Levi sei boo voah, is zammah ganga mitt em Dathan un em Abiram, em Eliab sei boova, un mitt em On, em Peleth sei boo, es fumm Ruben sei nohch-kummashaft voahra.

4. Mosi 16:18

So hott yaydahs sei insens-shissel gnumma, hott feiyah nei gedu un hott insens uf's feiyah gedu. Si henn awl am doah fumm tempel-tent kshtanna mitt em Mosi un em Aaron.

4. Mosi 16:35

Feiyah is aw fumm Hah kumma un hott di zvay hunnaht un fuftzich mennah ufgebrend es am insens opfahra voahra.

4. Mosi 16:7

un feiyah un insens nei du, un si fannich da Hah bringa meiya. Sellah es da Hah rooft is heilich. Es is eich Lefiddah es zu veit ganga sinn!”

4. Mosi 17:5

Da shtokk es zumm mann heaht es ich raus lays zayld ausshlauwa. Sellah vayk mach ich en end zu demm ayvich gegrummel bei di Kinnah-Israel geyyich dich.”

5. Mosi 8:14

no mecht eiyah hatz shtols vadda un diah da Hah eiyah Gott fagessa es eich aus Egypta gebrocht hott, aus em land funn gnechtheit.

5. Mosi 8:17

Gevvet acht es diah nett sawwet in eiyah hatz, “Mei graft un mei shteiki hend henn mich reich gmacht vi dess.”

Kolosser 2:18

Losset nimmand es sich uf hald mitt falshi daymoot un en deensht funn di engel eich vekk fiahra funn eiyah betzawling. Dess sinn sacha es eah nett ksenna hott. So aynah blohst sich selvaht uf mitt sei nadiahlichi gedanka,