2. Chronik 21:17 - Pennsylvania Dutch Bible

¹⁷ Si henn greek gmacht mitt Juda, sinn nei ganga un henn alles fatt gedrawwa es si kfunna henn im kaynich sei haus, un aw sei boova un veivah. Nett ay boo voah ivvahrich es vi yusht da Joaha, da yingsht.

2. Chronik 21:17 ပူးပေါင်းရင်းမြစ်များ

2. Chronik 22:1

Di leit funn Jerusalem henn em Joram sei yingshtah boo, da Ahasia, no kaynich gmacht in seim blatz. Dess voah veil di drubb mennah es mitt di Arabiddah kumma sinn, di eldshta boova awl doht gmacht katt henn. So voah em Kaynich Joram funn Juda sei boo, da Ahasia, nau kaynich.

2. Chronik 25:23

Da Kaynich Joas funn Israel hott da Kaynich Amazia funn Juda kfanga un fesht gnumma an Beth-Semes. Da Amazia voah em Joas funn Juda sei boo, un da Joas voah em Joahas sei boo. No hott da Kaynich Joas funn Israel da Kaynich Amazia funn Juda zu Jerusalem gebrocht, un hott di mavvah funn Jerusalem nunnah grissa fumm Ephraim-Doah biss an's Ekk-Doah, sex hunnaht foos difunn.

2. Chronik 22:6

So is eah zrikk an Jesreel ganga fa kayld vadda nohch demm es eah vay gedu voah an Rama, vo eah kfochta hott geyyich da Kaynich Hasael funn Syria. Da Ahasia, em Kaynich Joram sei boo funn Juda, is no nunnah ganga fa em Ahab sei boo, da Joram, sayna in Jesreel veil eah vay gedu voah.

2. Chronik 24:7

Selli gottlohs fraw, di Athalia, un iahra boova sinn nei gebrocha gvest in da tempel funn Gott, un henn even's heilich sach raus gnumma katt fa di Baals.

2. Kaynicha 10:13

Datt hott eah samm leit ohgedroffa es in difreind voahra mitt em Kaynich Ahasia funn Juda. Eah hott si kfrohkt, “Veah sind diah?” Si henn ksawt, “Miah sinn em Ahasia sei freindshaft un miah sinn kumma fa di families psucha fumm kaynich un di kaynich-fraw Jesebel.”

Joel 3:5

Diah hend mei silvah un gold gnumma un hend's besht funn mei keshtlich sach in eiyah tempels gedrawwa.

Amos 1:6

Dess is vass da Hah sawkt: “Fa di shtatt Gaza iahra feel sinda, even fa drei adda fiah, dann dray ich nett vekk funn si shtrohfa. Veil si en gans folk vekk gnumma henn funn haym, un di leit fakawft henn zumm land Edom,