2. Chronik 20:6 - Pennsylvania Dutch Bible

⁶ un hott ksawt, “Oh Hah, da Gott funn unsah foah-feddah, bisht du nett da Gott es im himmel is? Bisht du nett da roolah ivvah awl di kaynich-reicha funn di heida? Graft un macht sinn in dei hend un nimmand kann geyyich dich shtay.

2. Chronik 20:6 ပူးပေါင်းရင်းမြစ်များ

1. Kaynicha 8:23

Eah hott ksawt: “Oh Hah, da Gott funn Israel, es is kenn Gott vi du drovva im himmel adda do hunna uf di eaht. Du haldsht dei bund un veisht dei shtandhaftichi-leevi zu dei gnechta, dee es fannich diah lawfa mitt iahra gans hatz.

1. Kaynicha 8:30

Heich's gebayt ab funn deim gnecht un dei leit Israel vann si bayda noch demm blatz. Heich ab fumm himmel vo du voonsht, un vann du heahsht, fagebb si.

1. Chronik 29:18

Oh Hah, du es da Gott bisht funn unsah foah-feddah da Abraham, da Isaac un da Israel, hald dee falanga immah in di hatza funn dei leit, un dray iahra hatza zu diah.

2. Chronik 20:5

No is da Josaphat ufkshtanna in di fasamling funn Juda un Jerusalem am tempel fumm Hah, fannich em neiya foah-hohf,

2. Chronik 25:8

Even vann du gaysht un fechsht hatt im greek, doch lost Gott dich falla fannich dei feinda, fa Gott hott di macht fa helfa adda fa ivvah-shmeisa.”

2. Chronik 5:14

un di preeshtah henn iahra deensht nett ausdrawwa kenna veyyich di volk, veil di hallichkeit fumm Hah da tempel kfild hott.

2. Chronik 6:14

Eah hott ksawt: “Oh Hah, da Gott funn Israel, es hott kenn Gott vi du drovva im himmel adda hunna uf di eaht. Du haldsht dei bund un veisht dei shtandhaftichi-leevi zu dei gnechta, dee es fannich diah lawfa mitt iahra gans hatz.

Hiob 9:4

Eah hott grohsi veisheit un is mechtich, veah kann sich geyyich een shtella unni sich selvaht shawda du?

Psalm 115:3

Unsah Gott is im himmel, eah dutt ennich ebbes es eah vill.

Psalm 46:11

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Psalm 47:2

Fa da Alli-Haychsht Hah is shreklich, un en Grohsah Kaynich ivvah di gans eaht.

Psalm 47:8

Gott roold ivvah di heida, Gott hokt uf sei heilichah kaynich-shtool.

Psalm 54:1

Helf miah, oh Gott, deich dei nohma; deich dei graft shaff aus mei recht fa mich.

Psalm 62:11

Ay moll hott Gott kshvetzt, un zvay moll havvich dess keaht: Gott laynich is mechtich.

2. Mosi 3:6

No hott Gott ksawt, “Ich binn da Gott funn dei faddah, da Gott fumm Abraham, da Gott fumm Isaac un da Gott fumm Jakob.” Da Mosi hott sich kfeicht an Gott gukka, un hott sei ksicht zu gedekt.

Jesoiya 14:27

Da Awlmechtich Hah hott's ausgmacht, un veah kann een shtobba? Sei hand is naus kshtrekt, veah kann si zrikk drayya?

Jesoiya 66:1

Dess is vass da Hah sawkt: “Da himmel is mei kaynich-shtool, un di eaht is mei foos-bank. So vass fa en haus kennet diah bauwa fa mich? Vass fa en blatz soll ich drinn roowa?

Jeremia 49:19

“Vi en layb am ruff kumma aus em deefa bush fumm Jordan zu en gree vayt-land, so yawk ich di Edomiddah bletzlich vekk funn iahra land; un sellah es ich raus roof vatt ivvah si ksetzt. Veah is vi ich binn, un veah kann ufshtay geyyich mich fannich em richtah? Un vo is da shohf-heedah es ufshtay kann geyyich mich?”

Daniel 4:17

Dess is da roht funn di himlisha vatshah, un is es gebott funn di heilicha, so es di levendicha vissa kenna es da Alli-Haychsht da kaynich is ivvah di kaynich-reicha funn mensha. Eah kann si gevva zu ennich ebbah es eah vill, even zu di daymeedichshta leit.’

Daniel 4:25

Du vasht vekk gedrivva funn di leit un zaylsht layva mitt di vilda diahra; du zaylsht graws fressa mitt em fee un zaylsht nass vadda mitt em dau fumm himmel. Sivva yoah zayld fabei gay biss du bekensht es da Alli-Haychsht gvald hott ivvah di kaynich-reicha funn mensha, un kann si gevva zu ennich ebbah es eah vill.

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.

Matthäus 6:9

So dann, dess do is vi diah bayda sellet: Unsah Faddah im Himmel, loss dei nohma heilich sei,

Di Apostelgeschichte 11:17

Vann dann Gott eena aw da saym kshenk gevva hott es eah uns gevva hott, dee funn uns vo glawva an da Hah Jesus Christus, veah voah ich es ich geyyich Gott shtay hett kenna?”

Römer 9:19

Du sawksht dann zu miah, “Favass dutt eah dann shuld finna mitt uns? Veah kann geyyich sei villa shtay?”

5. Mosi 4:39

So sellet diah heit vissa un zu hatz nemma es da Hah Gott is, drovva im himmel un do hunna uf di eaht; es hott kenn anra.

Joshua 2:11

Vo miah dess keaht henn, sinn unsah hatza gans matt vadda un nimmand hott ennichah moot may katt veyyich eich. Miah vissa es da Hah eiyah Gott da Gott drovva im himmel is un aw uf di eaht do hunna.