2. Chronik 20:4 - Pennsylvania Dutch Bible

⁴ Di leit funn Juda sinn zammah kumma fa em Hah sei hilf sucha. Si sinn aus alli shtatt funn Juda kumma fa een sucha.

2. Chronik 20:4 ပူးပေါင်းရင်းမြစ်များ

2. Chronik 11:16

Selli aus alli shtamm funn Israel es iahra hatza ksetzt henn fa da Hah, da Gott funn Israel, sucha, sinn hinnich di Lefiddah zu Jerusalem kumma fa opfahra macha zumm Hah, da Gott funn iahra foah-feddah.

2. Chronik 19:5

Eah hott richtah ufkokt im land, in yaydahs funn di fashteikta shtett in Juda.

2. Chronik 20:5

No is da Josaphat ufkshtanna in di fasamling funn Juda un Jerusalem am tempel fumm Hah, fannich em neiya foah-hohf,

2. Chronik 7:14

vann mei leit, es gnohmd sinn bei meim nohma, sich daymeedicha un bayda, vann si mei ksicht sucha un funn iahra gottlohsi vayya vekk drayya, no heahrich si fumm himmel, fagebb iahra sinda un hayl iahra land.

Ezra 8:21

No habb ich en fasht ausgevva datt am Revvah Ahava so es miah uns daymeedicha fannich unsah Gott, un een frohwa fa uns un unsah kinnah aus di kfoah halda uf em vayk mitt awl unsah sach.

Psalm 50:15

Roof zu miah vann druvvel kumd, ich mach dich frei, un du zaylsht mich fagleahra.”

Psalm 56:4

Ich zayl Gott sei vatt preisa; ich du mei fadrauwa in Gott, un feich mich nett. Vass kann da mensh du zu miah?

Psalm 69:35

Fa Gott zayld Zion helfa, un zayld di shtett in Juda ivvah bauwa; sei leit zayla datt voona un's ivvah-nemma.

Joel 1:14

Gevvet en heilichah fasht-dawk aus, roofet en heilichi fasamling zammah. Fasamlet di eldishti, un alli-ebbah es im land voond. Roofet si an's haus funn eiyah Gott, un roofet da Hah oh.

Amos 5:4

Dess is vass da Hah sawkt zu di leit funn Israel: “Suchet mich, no zaylet diah layva,

Zephania 2:1

Fasamlet eich, fasamlet eich, diah folk unni shohm,