2. Chronik 20:11 - Pennsylvania Dutch Bible

¹¹ Nau gukk moll vi si am uns zrikk betzawla sinn bei kumma un uns ausdreiva funn di eahbshaft es du uns gevva hosht.

2. Chronik 20:11 ပူးပေါင်းရင်းမြစ်များ

1. Mosi 12:7

Da Hah is datt zumm Abram kumma un hott ksawt, “Zu dei nohch-kummashaft gebb ich dess land.” No hott eah en awldah gebaut zumm Hah, deah es datt zu eem kumma is.

1. Mosi 44:4

Yusht vi si aus di shtatt ganga sinn un voahra noch nett veit ganga, hott da Joseph ksawt zu sei haus-gnecht, “Gay selli mennah nohch, un vann du zu eena kumsht, frohk si, ‘Favass hend diah goodes betzawld mitt eviles?

2. Chronik 20:12

Oh unsah Gott, zaylsht du si nett richta? Fa miah henn kenn graft fa geyyich so en grohsi drubb leit gay es am geyyich uns kumma is. Miah vissa nett vass zu du, avvah unsah awwa sinn uf diah.”

Psalm 35:12

Si betzawla mich mitt evil fa goot, si lossa mei sayl in dreebsawl.

Psalm 7:4

vann ich letz gedu habb zu demm es freindlich is zu miah, adda sellah grawbt habb es mei feind is unni uahsach,

Shpricha 17:13

Vann en mensh evil fa goodes zrikk betzawld, dann zayld evil sei haus nee nett falossa.

Jeremia 18:20

Sett goodes zrikk betzawld sei mitt evil? Doch henn si en loch gegrawva es ich nei falla soll. Denk droh es ich fannich diah kshtanna habb un habb kshvetzt fa si, so es du dei zann vekk draysht funn eena.

Amos 1:11

Dess is vass da Hah sawkt: “Fa di feel sinda funn di leit funn Edom, even fa drei adda fiah, dann dray ich nett vekk funn si shtrohfa. Veil si iahra broodah Israel nohch ganga sinn mitt em shvatt, un henn kenn bamhatzichkeit gvissa, veil si veedich bays voahra di gans zeit, un iahra zann nett zrikk kohva henn,

5. Mosi 4:38

so es eah di heida, es graysah un mechtichah sinn es diah, ausdreiva kann fannich eich, un eich in's land bringa kann, un's zu eich gevva fa en eahbshaft, so vi's is heit.

Joshua 1:6

Sei shteik un feich dich nett. Du solsht di leit nei fiahra, un dess land zu eena gevva es ich fashprocha habb zu iahra foah-feddah.