2. Chronik 19:2 - Pennsylvania Dutch Bible

² Da Jehu, em Hanani sei boo, da brofayt, is naus ganga fa een ohdreffa un hott ksawt zumm kaynich, “Setsht du di gottlohsa helfa un selli lohva es da Hah hassa? Fasell kumd da zann fumm Hah uf dich.

2. Chronik 19:2 ပူးပေါင်းရင်းမြစ်များ

1. Kaynicha 16:1

No is es vatt fumm Hah zumm Hanani sei boo da Jehu kumma geyyich da Baesa, un hott ksawt:

1. Kaynicha 16:12

So hott da Simri em Baesa sei gansi family doht gmacht, grawt vi em Hah sei vatt ksawt hott geyyich da Baesa deich da brofayt Jehu.

1. Kaynicha 16:7

Avvah's vatt fumm Hah is deich em Hanani sei boo da Jehu kumma geyyich da Baesa un sei haus, veil eah so feel evil gedu katt hott in di awwa fumm Hah; un veil eah em Hah sei zann ufkshtatt hott bei di sacha es eah gedu katt hott, un is vadda grawt vi's haus fumm Jerobeam—un aw veil eah em Jerobeam sei gansi family doht gmacht hott.

1. Kaynicha 21:25

(Es voah nee nimmand es sich fakawft hott fa evil du im Hah sei awwa vi da Ahab—un dess bei sich fashtifta lossa bei di Jesebel, sei fraw.

1. Kaynicha 22:44

Da Josaphat hott aw fridda kalda mitt em kaynich funn Israel.

2. Chronik 16:7

An selli zeit is da brofayt Hanani zumm Kaynich Asa funn Juda kumma un hott ksawt zu eem, “Veil du dich falossa hosht uf da kaynich funn Syria un nett uf da Hah dei Gott, dann is di army fumm kaynich funn Syria vekk kumma aus dei hand.

2. Chronik 18:1

Da Josaphat voah oahrich reich un hott grohsi eah katt. No hott eah sich ohkanka zumm Ahab bei in sei family heiyahra.

2. Chronik 18:28

So is da kaynich funn Israel un da Kaynich Josaphat funn Juda nuff ganga an Ramoth-Gilead.

2. Chronik 18:3

Da Kaynich Ahab funn Israel hott da Kaynich Josaphat funn Juda kfrohkt, “Gaysht du mitt miah geyyich Ramoth-Gilead?” Da Josaphat hott ksawt, “Ich binn vi du bisht, mei leit sinn vi dei leit; miah gayn mitt diah im greek.”

2. Chronik 18:7

Da kaynich funn Israel hott ksawt zumm Josaphat, “Es is alsnoch ay mann es miah da Hah frohwa kenna deich een. Avvah ich hass een, veil eah nee nix goodes broffetzeit veyyich miah, avvah immah shlechtes. Eah is em Imla sei boo, da Micha.” Avvah da Josaphat hott ksawt, “Da kaynich sett nett shvetza vi sell.”

2. Chronik 19:1

No is da Josaphat, da kaynich funn Juda, in fridda zrikk an sei haus in Jerusalem kumma.

2. Chronik 19:10

Vann-evvah es shtreit zvishich breedah zu eich gebrocht vatt funn di leit in di shtett—eb's zu du hott mitt bloot fageesa, mitt em ksetz un gebodda adda veyyich adninga un richtes—diah misset si vanna es si nett sindicha geyyich da Hah, so es sei zann nett uf eich un eiyah breedah kumd. Doond dess un diah doond eich nett fashuldicha.

2. Chronik 20:34

Nau di ivvahricha sacha veyyich em Josaphat sei kaynich-reich, fumm ohfang biss an's end, sinn ufkshrivva im Jehu, em Hanani sei boo, sei shreives. Un selli shreives sinn ufkshrivva im buch funn di kaynicha funn Israel.

2. Chronik 24:18

Si henn da tempel fumm Hah, da Gott funn iahra foah-feddah, falossa, un henn di Ashera-gleichnisa un abgettah gedeend. Deich iahra shuld, is da zann funn Gott uf Juda un Jerusalem kumma.

2. Chronik 26:18

Si henn sich geyyich da Kaynich Usia kshteld un henn ksawt, “'Sis nett recht fa dich, Usia, es du insens brenna setsht zumm Hah. Sell is yusht fa di preeshtah, em Aaron sei kinnah, es heilich gmacht sinn fa insens brenna. Gay aus em Heilicha-Blatz, du bisht am dich fasindicha, un bringsht diah kenn eah fannich Gott da Hah.”

2. Chronik 32:25

Avvah em Hiskia sei hatz is shtols vadda un eah hott sich nett ufgedrawwa vi's shiklich voah fa di bamhatzichkeit es gvissa voah zu eem; fasell is em Hah sei zann uf een un Jerusalem un Juda kumma.

Psalm 15:4

Eah gukt nunnah uf di gottlohsa, avvah eah gebt eah zu selli es da Hah firchta. Eah hald sei vatt, even vann's eem selvaht vay dutt.

Psalm 21:8

Dei hand zayld awl dei feinda finna; dei rechtsi hand zayld alli-ebbah finna es dich hast.

Psalm 68:1

Gott shtayt uf, un sei feinda vadda fashtroit; selli es een hassa fabutza sich fannich eem vekk.

Psalm 71:15

Mei maul zayld shvetza veyyich dei gerechtichkeit, un veyyich dei saylichkeit da gans dawk lang, even vann's may is es ich fashtay kann.

2. Mosi 20:5

Du solsht dich nett nunnah bikka zu eena adda si deena, fa ich, da Hah dei Gott, binn en Gott es jealous is, un ich shtrohf di kinnah fa di sinda funn iahra feddah biss di dritt adda fiaht sett nohch-kummashaft funn selli es mich hassa.

Amos 7:14

Da Amos hott em Amazia andvat gevva, “Ich voah kenn brofayt, un aw kenn brofayt sei boo. Avvah ich voah en shohf-heedah un habb aw acht gevva uf feiya-baym.

Johannes 15:18

“Vann di veld eich hast, dann visset diah es si mich seahsht kast hott.

Johannes 15:23

Deah vo mich hast, hast mei Faddah aw.

Römer 1:18

Fa da zann funn Gott is gvissa gmacht fumm Himmel geyyich awl gottlohsi sacha un ungerechtichkeit funn mensha, vo mitt iahra ungerechtichkeit di voahheit zrikk hayva.

Römer 1:30

un doon anri leit nunnah. Si hassa Gott, sinn rawsich, shtols un braekkah. Si denka an alli sadda evil, un heicha iahra eldra nett.

Römer 1:32

Si vissa Gott sei gerechti gebodda, es selli vo so sacha doon, fadeena da doht. Even so, doon si nett yusht ohhalda dee sacha du, avvah si henn aw blesiah in anri es si doon.

Römer 8:7

Di meind vo uf flayshlichi sacha ksetzt is shaft geyyich Gott, veil see sich nett unnich's Ksetz funn Gott gebt, un see kann aw nett so du.

Epheser 5:11

un hend nix zu du mitt di unfruchtboahri verka vass in di dunkelheit heahra; leevah bringet si raus in's licht.

5. Mosi 32:41

vann ich mei glitzahrichi shvatt vetz, un mei hand nemd's shvatt fa richta, dann doon ich mich auseeva ivvah mei feinda, un betzawl selli zrikk es mich hassa.

5. Mosi 33:11

Sayken alles es eah hott, oh Hah, un loss di eahvet funn sei hend diah kfellich sei; shlakk selli es ufshtayn geyyich een, un selli es een hassa, so es si nimmi uf shtayn.”

5. Mosi 5:9

Diah sellet eich nett nunnah bikka adda si deena, fa ich, da Hah, binn eiyah Gott, un ich binn en jealousah Gott, un ich shtrohf di kinnah fa di sinda funn di feddah biss an di dritt un fiaht nohch-kummashaft funn selli es mich hassa.

5. Mosi 7:10

Avvah selli es een hassa, dutt eah grawt in's ksicht zrikk betzawla bei si umbringa un ausreiva. Eah voaht nett lang fa selli in's ksicht zrikk betzawla es een hassa.

Jakobus 4:4

Diah aybrechichi mennah un veivah, visset diah nett es deah vo sich freindlich macht mitt di veld hast Gott? Ennich ebbah es sich en freind macha vill mitt di veld vatt en feind funn Gott.

1. Samuel 9:9

(Eahshtah in Israel, vann en mann ganga is ebbes frohwa funn Gott, hott eah als ksawt, “Kumm, vella gay da saynah sayna.” Dess voah veil deah vo “brofayt” kaysa is heit, voah an selli zeit “saynah” kaysa.)