2. Chronik 19:11 - Pennsylvania Dutch Bible

¹¹ Da Amaria, da evvahsht preeshtah, is ivvah eich in di sacha fumm Hah; da Sebadia, em Ismael sei boo, un da evvahsht funn di shtamm funn Juda, is ivvah eich in di sacha veyyich em kaynich, un di Lefiddah shaffa unnich eich fa sayna es di leit iahra recht greeya. Seind shteik un doond's, da Hah is mitt selli es recht doon.”

2. Chronik 19:11 ပူးပေါင်းရင်းမြစ်များ

1. Chronik 22:11

Nau, mei boo, da Hah zayld bei diah sei, un zayld diah helfa en haus bauwa fa da Hah dei Gott, so vi eah ksawt hott es eah zayld.

1. Chronik 22:16

Es sinn leit unni nambah es shaffa kenna mitt gold, silvah, bronze un eisa. Nau fang oh mitt di eahvet, un da Hah zayld bei diah sei.”

1. Chronik 22:19

Nau setzet eiyah hatz un sayl fa da Hah eiyah Gott sucha. Fanget oh da tempel fumm Gott da Hah bauwa, so es diah di Bundes-Lawt fumm Hah, un's heilich ksha funn Gott in da tempel bringet es gebaut sei zayld fa da Nohma fumm Hah.”

1. Chronik 26:30

Funn di kshlecht fumm Hebron, is da Hasabia kumma. Eah un sei freindshaft—fuftzay hunnaht goodi mennah—voahra eahvet gevva in Israel west fumm Jordan Revvah. Si henn kshaft fa da Hah un fa da kaynich.

1. Chronik 26:32

Es voahra sivvana zvansich hunnaht goodi mennah unnich em Jeria sei freindshaft es evvahshti voahra funn iahra families. Da Kaynich Dawfit hott si no ivvah-saynah gmacht ivvah di Rubeniddah, di Gadiddah un's halb-shtamm fumm Manasse mitt alles es zu du katt hott funn Gott un di eahvet fumm kaynich.

1. Chronik 28:20

No hott da Dawfit ksawt zu seim boo da Solomon, “Sei shteik un gedrohsht, un richt dess aus. Feich dich nett, un faliah nett moot, fa Gott da Hah, mei Gott, is mitt diah. Eah lost dich nett nunnah un falost dich nett biss du awl di eahvet gedu hosht fa da deensht im Hah sei haus.

1. Chronik 6:11

Da Asaria voah em Amaria sei daett, un da Amaria voah em Ahitob sei daett.

2. Chronik 15:2

Eah is naus ganga fa da Asa ohdreffa un hott ksawt zu eem, “Asa un gans Juda un Benjamin, heichet miah ab. Da Hah is mitt eich vann diah mitt eem sind. Vann diah een suchet, zaylet diah een finna, avvah vann diah een falosset, dann falost eah eich.

2. Chronik 15:7

Avvah diah, seind shteik un faliahret nett moot, fa eiyah eahvet grikt iahra lohn.”

2. Chronik 19:6

Eah hott ksawt zu di richtah, “Denket drivvah vass diah am du sind, fa diah doond nett richta fa da mensh avvah fa da Hah, deah es bei eich is vann diah richtet.

2. Chronik 19:8

Aw in Jerusalem hott da Josaphat edlichi Lefiddah, preeshtah un evvahshti funn families in Israel eikshteld fa's gericht fumm Hah ausfiahra, un fa richta vann shtreit unnich di leit funn Jerusalem voah.

Ezra 7:5

un da Bukki voah em Abisua sei boo, un da Abisua voah em Pinehas sei boo, un da Pinehas voah em Eleasar sei boo, un da Eleasar voah em hohchen-preeshtah Aaron sei boo.

Psalm 112:5

Es gayt goot mitt em mann es nett geitzich is un laynd geahn, sellah es sei sacha ausricht unni ebbahm letz du.

Psalm 37:23

En goodah mann sei shritt sinn grawt kalda beim Hah, un sei vayk is eem kfellich.

Shpricha 2:20

So musht du da vayk lawfa funn goodi mennah, un dich uf di pawda funn di gerechta halda.

Breddichah 2:26

Zumm mann es kfellich is zu Gott, gebt eah veisheit, fashtand un frayt, avvah zumm sindah gebt eah di eahvet fa sach zammah samla un ufshtoahra yusht so es eah's ivvah-gevva kann zu demm vo kfellich is zu Gott. Awl dess is unni mayning. Es is vi am broviahra da vind fanga.

Jeremia 6:16

Dess is vass da Hah sawkt: “Shtaynd an di greitz-vayya un gukket, frohwet fa di alda pawda; frohwet fa da goot vayk, un lawfet drinn, no finnet diah roo fa eiyah sayl. Avvah si henn ksawt, ‘Miah zayla nett drinn lawfa.’

Maleachi 2:7

Di leftz funn en preeshtah sett leit recht lanna veyyich Gott, un leit sedda lanning sucha funn seim maul; fa eah drawkt em Awlmechtich Hah sei vadda.

Lukas 23:50

Nau's voah en mann datt es Joseph kaysa hott vo funn di Yudda shtatt funn Arimathia voah. Eah voah uf di Yudda-Council un voah en goodah un en gerechtah mann.

Di Apostelgeschichte 11:24

Eah voah en goodah mann es foll voah fumm Heilicha Geisht un glawva; un feel leit sinn zumm Hah gedrayt.

1. Korinther 16:13

Vatshet eich, shtaynd fesht im glawva, seind mennah mitt moot, seind shteik.

2. Timotheus 2:1

So nau, mei sohn, sei shteik in di gnawt vass in Christus Jesus is.

Joshua 1:6

Sei shteik un feich dich nett. Du solsht di leit nei fiahra, un dess land zu eena gevva es ich fashprocha habb zu iahra foah-feddah.

Joshua 1:9

Nau meind, habb ich diah nett en gebott gevva? Sei shteik un gedrohsht, un feich dich nett. Du solsht kenn angsht adda bang havva. Fa da Hah dei Gott is mitt diah vo-evvah es du anna gaysht.”