2. Chronik 18:31 - Pennsylvania Dutch Bible

³¹ No vo di ivvah-saynah funn di greeks-veyya da Josaphat ksenna henn, henn si ksawt, “Dess is da kaynich funn Israel.” So henn si gedrayt fa een fechta, avvah da Josaphat hott naus gegrisha, un da Hah hott eem kolfa. Gott hott si no vekk gedrayt funn eem.

2. Chronik 18:31 ပူးပေါင်းရင်းမြစ်များ

1. Chronik 5:20

Si henn hilf katt geyyich di Hagariddah, un di Hagariddah un awl selli es bei eena voahra, voahra ivvah-gevva in iahra hand veil si Gott ohgebayda henn diveil es si am fechta voahra. Gott hott iahra gebaydah keaht veil si eem gedraut henn.

2. Chronik 13:14

Juda hott sich rumm gedrayt un si henn nau ksenna es si hinna un fanna am geyyich si kumma voahra. No henn si laut gebayda zumm Hah, un di preeshtah henn iahra blohs-hanna geblohsa.

2. Chronik 13:15

No henn di mennah funn Juda iahra greeks-grish gegrisha. Vi si gegrisha henn, hott Gott da Jerobeam un gans Israel kshlauwa fannich em Abia un Juda.

2. Chronik 14:11

No hott da Asa zumm Hah, sei Gott, gebayda un hott ksawt, “Hah, es hott nimmand vi dich fa selli helfa es unni graft sinn geyyich selli es mechtich sinn. Helf uns, oh Hah, unsah Gott, fa miah falossa uns uf dich. In deim nohma sinn miah geyyich dee grohs army kumma. Oh Hah, du bisht unsah Gott; loss kenn mensh dich ivvah-kumma.”

2. Chronik 18:30

Nau da kaynich funn Syria hott kshvetzt katt zu di ivvah-saynah funn di greeks-veyya un hott ksawt, “Diah sellet nett fechta mitt ennich ebbah, grohs adda glay, vi yusht mitt em kaynich funn Israel.”

2. Chronik 18:32

Vo di veyya ivvah-saynah ksenna henn es es nett da kaynich funn Israel voah, henn si ufkeaht eem nohch gay.

2. Chronik 26:7

Gott hott eem kolfa geyyich di Philishtah, geyyich di Arabiddah es in Gur-Baal gvoond henn, un geyyich di Meuniddah.

Ezra 1:1

Im eahshta yoah fumm Kaynich Cyrus funn Persia—so es em Hah sei vatt folfild vatt es da Jeremia gebroffetzeit katt hott—dann hott da Hah em Kaynich Cyrus funn Persia sei geisht gmacht eem's in sinn du fa en ausroofes macha gans deich sei kaynich-reich un's nunnah shreiva lossa:

Ezra 7:27

Glohbt sei da Hah, da Gott funn unsah foah-feddah, deah es es in's hatz fumm kaynich gedu hott fa's haus fumm Hah in Jerusalem hallich macha.

Nehemia 1:11

Oh Hah, loss dei oah abheicha zumm gebayt funn dei gnecht, un zumm gebayt funn dei gnechta, dee es gleicha dei nohma uf hayva. Mach's alles goot ausshaffa fa dei gnecht heit fannich em kaynich.” Ich voah em kaynich sei vei-gevvah an selli zeit.

Psalm 118:13

Ich voah hatt zrikk kshohva un shiah am falla, avvah da Hah hott miah kolfa.

Psalm 34:7

Da engel fumm Hah bleibt um selli rumm es een firchta, un eah macht si frei.

Psalm 46:1

Gott is unsah sayfah Roo-Blatz un unsah Graft; eah is immah datt fa helfa an di zeit funn druvvel.

Psalm 46:11

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Psalm 56:10

Ich zayl Gottes Vatt preisa; ich zayl em Hah sei Vatt preisa.

Psalm 94:17

Vann da Hah miah nett hilf gevva hett, dann veah ich glei in di veld funn di dohda gvest.

2. Mosi 14:10

Vi da Pharao nayksht kumma is henn di Kinnah-Israel ufgegukt, un datt voahra di Egyptah am eena nohch kumma. Si henn sich oahrich kfeicht, un henn naus groofa zumm Hah.

Shpricha 16:7

Vann en mann sei vayya kfellich sinn zumm Hah, dann macht eah even sei feinda in fridda layva mitt eem.

Shpricha 21:1

Em kaynich sei hatz is in di hand fumm Hah; vi vassah am lawfa, so fiaht eah eem sei hatz anna vo eah vill.