2. Chronik 17:3 - Pennsylvania Dutch Bible

³ Da Hah voah mitt em Josaphat veil eah gloffa is in di vayya es sei faddah da Dawfit gloffa is in sei eahshti yoahra. Eah hott nett di Baals ksucht,

2. Chronik 17:3 ပူးပေါင်းရင်းမြစ်များ

1. Mosi 39:21

Avvah da Hah voah bei em Joseph un voah bamhatzich zu eem. Eah hott gmacht es da ivvah-saynah funn di jail feel gedenkt hott funn eem.

2. Samuel 5:10

Un eah is shteikah un shteikah vadda veil da Hah, da Awlmechtich Gott, bei eem voah.

2. Samuel 8:15

So voah da Dawfit kaynich ivvah gans Israel, un eah hott gedu vass recht voah fa awl sei leit.

1. Kaynicha 11:6

Un da Solomon hott evil gedu in di awwa fumm Hah, un is em Hah nett folshtendich nohch ganga vi sei faddah da Dawfit gedu hott.

1. Kaynicha 22:43

Eah is gloffa in awl di vayya funn seim daett da Asa un is nett vekk gedrayt funna. Eah hott gedu vass recht voah im Hah sei awwa. Avvah eah hott di hohcha-bletz nett nunnah grissa, un di leit henn ohkalda opfahra un insens brenna datt.

1. Kaynicha 3:3

Da Solomon hott da Hah leeb katt, un is gloffa in di adninga funn sei faddah da Dawfit. Avvah eah hott alsnoch opfahra gmacht un insens gebrend uf di hohcha-bletz.

2. Kaynicha 14:3

Eah hott gedu katt vass recht voah im Hah sei awwa, avvah doch nett vi sei foah-faddah da Dawfit gedu katt hott. Eah hott alles gedu vi sei faddah da Joas hott.

2. Kaynicha 16:2

Da Ahas voah zvansich yoah ald vo eah kaynich vadda is, un eah voah kaynich in Jerusalem fa sechtzay yoah. Eah hott nett gedu vass recht voah beim Hah, sei Gott, vi sei foah-faddah da Dawfit gedu hott.

2. Kaynicha 18:3

Eah hott gedu vass recht voah im Hah sei awwa, grawt vi da Dawfit, sei foah-faddah, gedu katt hott.

2. Kaynicha 22:2

Eah hott gedu vass recht voah im Hah sei awwa, un is gloffa in awl di vayya funn sei foah-faddah, da Dawfit. Eah is nett rechts adda lings gedrayt in seim lawf.

1. Chronik 22:18

Eah hott ksawt zu eena, “Is nett da Hah eiyah Gott mitt eich? Un hott eah eich nett roo gevva uf alli seit? Eah hott di leit in demm land ivvah-gevva in mei hand, un's land is nau unnich em Hah un sei leit.

2. Chronik 14:11

No hott da Asa zumm Hah, sei Gott, gebayda un hott ksawt, “Hah, es hott nimmand vi dich fa selli helfa es unni graft sinn geyyich selli es mechtich sinn. Helf uns, oh Hah, unsah Gott, fa miah falossa uns uf dich. In deim nohma sinn miah geyyich dee grohs army kumma. Oh Hah, du bisht unsah Gott; loss kenn mensh dich ivvah-kumma.”

2. Chronik 15:2

Eah is naus ganga fa da Asa ohdreffa un hott ksawt zu eem, “Asa un gans Juda un Benjamin, heichet miah ab. Da Hah is mitt eich vann diah mitt eem sind. Vann diah een suchet, zaylet diah een finna, avvah vann diah een falosset, dann falost eah eich.

2. Chronik 17:2

Eah hott greeks-gnechta in awl di fashteikta shtett funn Juda gedu, un hott noch may in drubba gedu draus aus di shtett in Juda, un aw in di shtett funn Ephraim es sei daett da Asa gnumma katt hott im greek.

2. Chronik 17:4

avvah eah hott da Gott funn sei faddah ksucht, un hott sei gebodda kalda un nett gedu vi Israel.

2. Chronik 20:32

Eah is gloffa in di vayya funn seim daett da Asa un is nett vekk gloffa difunn; eah hott gedu vass recht voah im Hah sei awwa.

2. Chronik 21:12

No is en breef zu eem kumma fumm brofayt Elia es ksawt hott: “Dess is vass da Hah, da Gott funn deim faddah da Dawfit, sawkt, ‘Du bisht nett gloffa in di vayya funn deim daett da Josaphat adda in di vayya fumm Kaynich Asa funn Juda.

2. Chronik 22:9

Eah un sei mennah sinn no ganga gukka fa da Ahasia, un si henn een kfanga in Samaria vo eah sich fashtekkeld katt hott. Si henn een zumm Jehu gebrocht, un eah hott een doht gmacht. Si henn een fagrawva, veil di leit ksawt henn, “Eah voah em Josaphat sei boo, un da Josaphat hott da Hah ksucht mitt seim gans hatz.” Un's voah nimmand ivvahrich fumm Ahasia sei haus es fitt voah fa's kaynich-reich on nemma.

2. Chronik 27:6

Da Jotham is mechtich vadda veil eah shtandhaftich gloffa is fannich seim Gott da Hah.

2. Chronik 29:2

Eah hott gedu vass recht voah zumm Hah, grawt vi sei foah-faddah da Dawfit gedu katt hott.

2. Chronik 34:2

Eah hott gedu vass recht voah zumm Hah un is gloffa in di vayya funn seim foah-faddah da Dawfit. Eah is nett vekk gedrayt, nett rechts adda lings.

Psalm 46:11

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Psalm 46:7

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

2. Mosi 3:12

Gott hott no ksawt, “Ich zayl bei diah sei, un dess zayld da zaycha sei zu diah es ich dich kshikt habb: Vann du moll di leit aus Egypta gebrocht hosht, zayla diah Gott deena an demm berg.”

2. Mosi 4:12

Nau dann, gay. Ich zayl mitt deim maul sei un dich lanna vass du sawwa solsht.”

Jesoiya 41:10

Feich dich nett; ich binn bei diah. Sei nett engshtlich; ich binn dei Gott. Ich mach dich shteik un helf diah; ich hayb dich uf mitt di rechts hand funn mei gerechtichkeit.

Jesoiya 8:10

Gevvet nannah roht, avvah's kumd zu nix, shvetzet zammah, avvah's shaft nett aus, veil Gott bei uns is.

Jeremia 2:23

“Vi kansht du sawwa, ‘Ich binn nett unrein; ich binn em Baal nett nohch ganga?’ Gukk moll vass du gedrivva hosht drunna im deich, denk droh vass du gedu hosht. Du bisht vi en yungi kamayla-mah es ivvahrawlich rumm heah shpringd,

Matthäus 1:23

“Heich moll, en yung, leddich maydel zayld en kind in sich havva, un zayld en sohn in di veld bringa. Sei nohma soll Emmanuel sei.” Sell maynd, “Gott is bei uns.”

Matthäus 18:20

Fa vo zvay adda drei zammah kumma in meim nohma, datt binn ich bei eena.”

Matthäus 25:16

Deah vo fimf dausend dawlah grikt hott is grawt ganga un hott ohkfanga kawfa un fakawfa. Un glei hott eah fimf dausend dawlah may gmacht.

Matthäus 28:20

Un lannet si fa alles halda es ich eich gebodda habb. Un meindet dess, ich binn immah bei eich, even biss an's end funn di veld.”

2. Timotheus 4:22

Da Hah Jesus Christus sei bei deim geisht. Gnawt sei mitt eich. Amen.

Joshua 1:5

Kenn mann kann sich ufshtella geyyich dich so lang es du laybsht. Vi ich mitt em Mosi voah, so zayl ich mitt diah sei. Ich loss dich nee nett nunnah un ich loss dich nett hokka.

Joshua 1:9

Nau meind, habb ich diah nett en gebott gevva? Sei shteik un gedrohsht, un feich dich nett. Du solsht kenn angsht adda bang havva. Fa da Hah dei Gott is mitt diah vo-evvah es du anna gaysht.”

Richtah 2:11

No henn di Kinnah-Israel evil gedu fannich em Hah, un henn ohkfanga di abgettah Baals deena.

Richtah 2:18

Vo da Hah als richtah raus kshteld hott fa si, voah eah bei em richtah un hott si aus di hend funn iahra feinda gnumma so lang es da richtah glaybt hott. Da Hah hott si gedavvaht vann eah si keaht hott yammahra, veil iahra feinda si so veesht gyoost henn un si nunnah gedredda henn.

Richtah 6:12

Da engel fumm Hah hott sich veisa glost zumm Gideon un hott ksawt, “Da Hah is bei diah, du mechtichah greeks-gnecht.”

Richtah 8:33

No is es zu kumma, so kshvind es da Gideon kshtauva voah, henn di Kinnah-Israel viddah di Baal abgettah gedeend, un henn da Baal-Berith iahra gott gmacht.

1. Samuel 18:12

Da Saul hott sich kfeicht veyyich em Dawfit veil da Hah beim Dawfit voah un hott da Saul falossa katt.

1. Samuel 18:14

Alles es eah gedu hott, hott eah goot ausgricht, un da Hah voah bei eem.

1. Samuel 18:5

Vass-evvah es da Saul em Dawfit ksawt hott fa du hott eah goot ausgricht; un da Saul hott een ivvah di greeks-mennah ksetzt. Di leit henn dess awl geglicha un so henn aw em Saul sei hauptmennah.