2. Chronik 17:10 - Pennsylvania Dutch Bible

¹⁰ Di furcht fumm Hah is uf awl di kaynich-reicha funn di lendah um Juda rumm kfalla, so henn si nett greek gmacht mitt em Josaphat.

2. Chronik 17:10 ပူးပေါင်းရင်းမြစ်များ

1. Mosi 35:5

Vi si ganga sinn, voah en grohsi furcht funn Gott ivvah di shtett um si rumm un's is nimmand eena nohch kumma.

2. Chronik 14:13

un da Asa un sei greeks-leit sinn eena nohch ganga biss an Gerar. So feel funn di Kushiddah sinn kfalla es si sich nimmi zammah greeya henn kenna, fa si voahra kshlauwa beim Hah un bei sei greeks-leit. Un di mennah funn Juda henn feel sach vekk gedrawwa.

2. Chronik 14:14

Si henn awl di glenna shtetlen um Gerar rumm nunnah grissa, fa di angsht fumm Hah is ivvah di leit kumma. Si henn sach aus awl di shtetlen gnumma veil feel datt voah.

2. Chronik 16:9

Di awwa fumm Hah sayna ivvahrawlich ivvah di eaht fa selli shteik macha es sich folshtendich ivvah-drayya zu eem. Du hosht en dumm ding gedu, un funn nau on zaylsht du greek havva.”

2. Chronik 20:29

Un di furcht funn Gott is ivvah awl di kaynich-reicha in di lendah kumma vo si keaht henn es da Hah kfochta hott geyyich Israel iahra feinda.

2. Mosi 34:24

Ich dreib di heida aus fannich diah un mach dei land graysah, un nimmand zayld en lusht havva fa dei land vann du drei moll's yoah nuff gaysht fa dich fasamla fannich em Hah dei Gott.

Shpricha 16:7

Vann en mann sei vayya kfellich sinn zumm Hah, dann macht eah even sei feinda in fridda layva mitt eem.

Micha 7:17

Si zayla shtawb shlekka vi en shlang, vi di diahra es gradla uf em grund. Si zayla aus iahra lechah kumma am ziddahra. In furcht kumma si zumm Hah unsah Gott, un zayla sich feicha veyyich diah.