2. Chronik 15:13 - Pennsylvania Dutch Bible

¹³ Veah-evvah es es nett gedu hott fa da Hah, da Gott funn Israel, sucha, hott sella doht gmacht sei, eb si grohs adda glay, mann adda fraw, voahra.

2. Chronik 15:13 ပူးပေါင်းရင်းမြစ်များ

1. Mosi 19:11

Un si henn di mennah an di deah kshlauwa mitt blindheit, grohs un glay, so es si sich meet gmacht henn am broviahra di deah finna.

1. Kaynicha 18:40

No hott da Elia ksawt zu eena, “Nemmet di brofayda fumm Baal fesht. Losset kenni vekk kumma!” Di leit henn si no awl fesht gnumma, no hott da Elia si nunnah kfiaht an di Grikk Kison, un hott si doht gmacht datt.

2. Chronik 15:14

Si henn kshvoahra zumm Hah mitt en laudi shtimm, henn gegrisha un henn trumpets un blohs-hanna geblohsa.

Hiob 3:19

Di grohsa un di glenna sinn datt, da deensht-gnecht is frei funn seim meishtah.

Hiob 34:19

deah es nett ayseidich is zu evvahshti, un es nett unnahshidlich is zu di reicha ivvah di oahma? Sinn si nett awl di eahvet funn sei hend?

Psalm 115:13

Eah saykend selli es da Hah firchta, di grohsa un di glenna.

2. Mosi 12:29

No an mitt-nacht hott da Hah awl di eahsht-geboahrana nunnah kshlauwa in Egypta, fumm eahsht-geboahra sohn fumm Pharao es uf em kaynich-shtool kokt hott, biss an da eahsht-geboahra sohn fumm kfangana in di jail, un aw awl di eahsht-geboahrana fumm fee.

2. Mosi 22:19

Ennich ebbah es sich mitt en diah laykt, soll doht gmacht sei.

2. Mosi 22:20

Ennich ebbah es opfaht zu en gott es nett da Hah is, muss doht gmacht sei.

Zephania 1:6

selli es vekk gedrayt sinn fumm Hah, un doon een nett frohwa adda sucha.

Di Apostelgeschichte 26:22

Deich di hilf funn Gott binn ich noch do heit am zeiya zu grohsi un glenni. Ich sawk nix annahshtah es vass di brofayda un da Mosi ksawt henn es kumma zayld.

5. Mosi 29:18

Machet shuah es kenn mann adda veibsmensh, kenn kshlecht adda shtamm unnich eich is heit es sei hatz vekk drayya lost fumm Hah unsah Gott, un gayt un deend di gettah funn selli heida. Losset kenn vatzel unnich eich sei es so biddah gift vaxa macht.

Di Offenbarung 20:12

Un ich habb di dohda, grohs un glay, ksenna fannich Gott shtay, un di bichah voahra uf gmacht, un noch en buch voah uf gmacht. Dess is es buch funn layva. Di dohda voahra gricht bei vass kshrivva voah in di bichah, bei vass si gedu katt henn.

Di Offenbarung 6:15

Di kaynicha funn di eaht, di hohch-gachti mennah, di reicha, di greeks-leit ivvah-saynah, di gvaldichi mennah, awl di gnechta un di freiyi leit—dee henn sich awl fashtekkeld in di lechah un unnich di shtay in di hivla.