2. Chronik 14:14 - Pennsylvania Dutch Bible

¹⁴ Si henn awl di glenna shtetlen um Gerar rumm nunnah grissa, fa di angsht fumm Hah is ivvah di leit kumma. Si henn sach aus awl di shtetlen gnumma veil feel datt voah.

2. Chronik 14:14 ပူးပေါင်းရင်းမြစ်များ

1. Mosi 35:5

Vi si ganga sinn, voah en grohsi furcht funn Gott ivvah di shtett um si rumm un's is nimmand eena nohch kumma.

1. Kaynicha 15:23

Vass avvah may is zu sawwa veyyich em Asa sei reich, vass eah gedu un ausgricht hott un di shtett es eah ufgebaut hott, is dess nett ufkshrivva im buch fumm shreives funn di kaynicha funn Juda? Avvah vo eah ald vadda is, voahra sei fees vay.

2. Kaynicha 7:16

No sinn di leit naus un henn di Syrians iahra camp grawbt. Un es is no voah kumma grawt vi da Hah ksawt katt hott, zeyya pund mayl un zvansich pund geahsht henn fakawft fa ay shtikk silvah.

2. Chronik 14:15

Si henn aw di fee-heedah kfochta un henn feel shohf un kamayla vekk gnumma. No sinn si viddah zrikk an Jerusalem ganga.

2. Chronik 17:10

Di furcht fumm Hah is uf awl di kaynich-reicha funn di lendah um Juda rumm kfalla, so henn si nett greek gmacht mitt em Josaphat.

2. Chronik 20:25

So is da Josaphat un di mennah nunnah ganga fa's sach nemma es ivvahrich voah. Si henn feel sach kfunna unnich eena, greeks-ksha, glaydah un keshtlich sach es si gnumma henn fa sich selvaht, may es si drawwa henn kenna. Es hott si drei dawk gnumma fa awl's sach vekk drawwa veil's so feel voah.

2. Chronik 20:29

Un di furcht funn Gott is ivvah awl di kaynich-reicha in di lendah kumma vo si keaht henn es da Hah kfochta hott geyyich Israel iahra feinda.

Hiob 15:21

Vass eah heaht, fagelshtaht een, un diveil es eah fridda hott, kumd sellah ivvah een es fadaubt.

Psalm 68:12

Di kaynicha un iahra greeks-gnechta shpringa fatt, un di veibsleit dihaym fadayla's sach es gnumma voah.

Jesoiya 31:9

Iahra shteiki mennah vadda fagelshtaht un fabutza sich, iahra foah-gengah lossa iahra greeks-flags hinnich sich mitt angsht,” so sawkt da Hah, sellah es is vi feiyah in Zion, vi en offa in Jerusalem.

Jesoiya 33:23

Di shtrikk es da maest-pohl hayva sinn lohs, si hayva da maest-pohl nett fesht am shiff, un di sails kenna nett kshpand sei. No vatt sell vass gnumma vatt im greek fadayld, even di lohma kumma un nemma's sach.

Römer 8:37

Avvah in awl dee sacha sinn miah may vi ivvah-kummah deich deah vo uns leeb hott.

5. Mosi 2:25

Deah dawk fang ich oh angsht un furcht uf awl's folk du unnich em himmel veyyich eich. Si zayla kshvetzah heahra veyyich eich un zayla ziddahra un bang havva veyyich eich.”

Joshua 2:24

Si henn ksawt zumm Joshua, “Da Hah hott gevislich's gans land in unsah hend gedu. Awl di leit sinn matt mitt furcht veyyich uns.”

Joshua 5:1

Nau vo di kaynicha funn di Amoriddah west fumm Jordan, un awl di kaynicha funn di Kanaaniddah am say nohch keaht henn es da Hah's vassah fumm Jordan ufgedrikkeld hott fannich di Kinnah-Israel biss si drivvah rivvah kumma sinn, dann sinn iahra hatza gans matt vadda un's voah kenn moot may in eena deich di Kinnah-Israel.

Richtah 14:19

No is da Geisht Gottes uf een kumma mitt graft, un eah is nunnah in Askalon ganga un hott dreisich mennah doht gmacht, hott iahra glaydah gnumma un hott si gevva zu selli es da riddle ksawt katt henn. Eah hott gebrend mitt zann un is zrikk zu sei daett sei haus ganga.

1. Samuel 14:15

No henn di leit ohkfanga ziddahra un sich feicha in di camp, im feld, un aw di leit ivvahrawlich es naus kshikt voahra fa's land fadauva. Es land hott kshiddeld un alli-ebbah voah fagelshtaht bei Gott.