2. Chronik 13:8 - Pennsylvania Dutch Bible

⁸ Un nau zaylet diah geyyich em Hah sei Kaynich-Reich gay, dess es in di hend fumm Dawfit sei nohch-kummashaft is. Yau, es sinn feel funn eich, un diah hend di goldicha kelvah bei eich es da Jerobeam gmacht hott fa eiyah gettah sei,

2. Chronik 13:8 ပူးပေါင်းရင်းမြစ်များ

1. Kaynicha 12:28

Da kaynich hott no roht grikt un hott zvay goldichi hamlen gmacht. Eah hott ksawt zu di leit, “Es is zu hatt fa eich es diah nuff an Jerusalem gay seddet. Do sinn eiyah gettah, oh Israel, dee es eich ruff aus Egypta gebrocht henn.”

1. Kaynicha 12:29

Eah hott no ay hamli ufkokt an Beth-El un's anra an Dan.

1. Kaynicha 14:9

Du hosht may evil sach gedu es awl selli es glaybt henn eb du. Du hosht diah anri gettah gmacht, un gegossani gleichnisa gmacht. Du hosht mei zann ufkshtatt un hosht mich hinnich dich kshtohsa.

2. Chronik 11:15

Eah hott sei aykni preeshtah eiksetzt fa di hohcha-bletz un fa di deivela un hamlen ohbayda es eah gmacht katt hott.

2. Chronik 20:12

Oh unsah Gott, zaylsht du si nett richta? Fa miah henn kenn graft fa geyyich so en grohsi drubb leit gay es am geyyich uns kumma is. Miah vissa nett vass zu du, avvah unsah awwa sinn uf diah.”

2. Chronik 20:6

un hott ksawt, “Oh Hah, da Gott funn unsah foah-feddah, bisht du nett da Gott es im himmel is? Bisht du nett da roolah ivvah awl di kaynich-reicha funn di heida? Graft un macht sinn in dei hend un nimmand kann geyyich dich shtay.

2. Chronik 9:8

Glohbt sei da Hah dei Gott es sich kfroit hott mitt diah un dich uf sei kaynich-shtool kokt hott fa kaynich sei fa da Hah dei Gott. Veil dei Gott Israel so leeb hott, un havva vill es si ayvichlich shtayn, dann hott eah dich kaynich gmacht ivvah di leit fa eahlich richtes un gerechtichkeit ausrichta.”

Psalm 33:16

En kaynich vatt nett aus di kfoah kalda deich sei feel greeks-gnechta; en greeks-gnecht hald sich nett frei bei sei grohsi graft.

Lukas 19:14

Avvah sei leit vo unnich eem voahra henn een nett geglicha, un si henn dess vatt nohch kshikt, ‘Miah vella nett havva es deah mann kaynich ivvah uns is.’

Lukas 19:27

Un veyyich dee vo mich nett gleicha, un vella nett havva es ich ivvah si binn; bringet si do heah un machet si doht do fannich miah.’”