2. Chronik 12:14 - Pennsylvania Dutch Bible

¹⁴ Da Rehabeam hott evil gedu veil eah da Hah nett folshtendich ksucht hott mitt seim gans hatz.

2. Chronik 12:14 ပူးပေါင်းရင်းမြစ်များ

1. Kaynicha 14:22

Un Juda hott evil gedu im Hah sei awwa. Si henn may gedu fa em Hah sei zann ufshtadda es awl iahra foah-feddah gedu henn bei di sinda es si gedu henn.

1. Chronik 29:18

Oh Hah, du es da Gott bisht funn unsah foah-feddah da Abraham, da Isaac un da Israel, hald dee falanga immah in di hatza funn dei leit, un dray iahra hatza zu diah.

2. Chronik 11:16

Selli aus alli shtamm funn Israel es iahra hatza ksetzt henn fa da Hah, da Gott funn Israel, sucha, sinn hinnich di Lefiddah zu Jerusalem kumma fa opfahra macha zumm Hah, da Gott funn iahra foah-feddah.

2. Chronik 19:3

Doch, 'sis noch samm goodes in diah veil du di Ashera-poshta vekk aus em land gedu hosht, un dei hatz ksetzt hosht fa da Hah sucha.”

2. Chronik 30:19

es sei hatz risht fa Gott da Hah, da Gott funn sei foah-feddah sucha, even vann eah nett rein is vi's kfoddaht is fa's heilich-fesht essa.”

Psalm 57:7

Mei hatz is shtandhaftich, oh Gott, mei hatz is shtandhaftich. Ich zayl singa un dich lohva.

Psalm 78:37

Iahra hatza voahra nett shtandhaftich zu eem, si henn sei bund nett ufrichtich kalda.

Psalm 78:8

un so es si nett sinn vi iahra foah-feddah voahra— en dikk-kebbichi un shteibahrichi nohch-kummashaft, en leit es kenn shtandhaftichi hatza katt henn, un iahra geisht voah aw nett shtandhaftich zu Gott.

Jesoiya 45:19

Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Ezekiel 33:31

Mei leit kumma zu diah, so vi leit zammah kumma; si hokka fannich diah un heicha dei vadda ab, avvah si doon si nett ausdrawwa. Mitt iahra meilah lossa si oh si hedda leevi, avvah iahra hatza gukka yusht fa geld.

Matthäus 7:7

“Frohwet, no vatt's eich gevva; suchet, no zaylet diah finna; globbet oh, no vatt's uf gmacht zu eich.

1. Korinther 15:58

Fasell, mei leevi breedah, shtaynd fesht, un losset nett nohch. Doond immah eiyah besht in di eahvet fumm Hah, fa diah visset es eiyah eahvet im Hah nett fa nix is.

1. Korinther 16:13

Vatshet eich, shtaynd fesht im glawva, seind mennah mitt moot, seind shteik.

5. Mosi 5:29

Oh, vann si yusht immah so feela dayda mitt furcht im hatz un awl mei gebodda halda iahra layva lang, so es es goot gay dayt mitt eena un iahra nohch-kummashaft fa'immah!

1. Samuel 7:3

No hott da Samuel kshvetzt zu awl di leit funn Israel un hott ksawt, “Vann diah zrikk drayyet zumm Hah mitt eiyah gans hatz, doond di fremdi gettah un di Astharoths vekk unnich eich un rishtet eiyah hatza fa yusht da Hah deena, dann macht eah eich frei funn di hand funn di Philishtah.”