2. Chronik 10:8 - Pennsylvania Dutch Bible

⁸ Avvah da Rehabeam hott deah roht nunnah gedrayt es di eldishti eem gevva henn. Eah hott da roht ksucht funn di yunga mennah, dee es ufgezowwa voahra mitt eem un es sei gnechta voahra nau.

2. Chronik 10:8 ပူးပေါင်းရင်းမြစ်များ

2. Samuel 17:14

Da Absalom un di mennah funn Israel henn no ksawt, “Em Husai, da Arkiddah, sei roht is bessah es sell fumm Ahithophel.” Da Hah hott's so auskshaft es em Ahithophel sei goodah roht fahinnaht voah so es aylend uf da Absalom fald.

2. Chronik 10:9

Eah hott si kfrohkt, “Vass fa roht gevvet diah? Vass fa andvat soll ich dee leit gevva es sawwa, ‘Mach's yoch leichtah es dei faddah uf uns gedu hott’?”

Shpricha 1:25

Diah hend awl mei roht fa'acht, un hend mei shtrohf nett havva vella.

Shpricha 13:20

Veah mitt mennah funn veisheit lawft, grikt veisheit, avvah veah rumm gayt mitt di unksheida dutt sich selvaht vay.

Shpricha 19:20

Heich ab zu goodah roht un nemm di lanning oh, so es du veisheit griksht fa shpaydah naus.

Shpricha 25:12

En zank gevva zu en oah es heaht bei ebbah mitt veisheit, is vi en goldichah oahra-ring adda en goldich hals-band.

Shpricha 27:10

Faloss dei freind adda dei faddah sei freind nett, un gay nett zu deim broodah sei haus uf em dawk funn druvvel. 'Sis bessah fa zu deim naykshtah nochbah gay, es vi zu deim broodah es veit ab is.

Shpricha 9:9

Lann en mann mitt veisheit, un eah zayld may veisheit havva, lann en gerechtah mann, un eah macht sich may lanning.

Breddichah 10:16

Vay zu diah, oh land, es en kind hott fa en kaynich, un dei evvahshti macha en grohs essa meiyets.

Jesoiya 30:1

“Vay zu di shteibahricha kinnah,” sawkt da Hah, “dee es ausmacha vass zu du unni mich, dee es sich en bund macha mitt anri unni mei Geisht, un heifla ay sind noch di annah uf sich.