2. Chronik 1:10 - Pennsylvania Dutch Bible

¹⁰ Gebb miah veisheit un fashtendnis, so es ich dee leit foah gay kann, fa veah kann so en grohs folk vi dei leit fiahra?”

2. Chronik 1:10 ပူးပေါင်းရင်းမြစ်များ

2. Samuel 5:2

An di zeit es da Saul kaynich voah ivvah uns, voah's dich es Israel foah-ganga is uf em greeks-feld. Un da Hah hott ksawt zu diah, ‘Du zaylsht da heedah sei funn mei leit Israel, un zaylsht iahra roolah vadda.’”

1. Kaynicha 3:9

So gebb dei gnecht en hatz es veisheit hott fa dei leit richta, un fa vissa vass recht adda letz is. Fa veah kann so en mechtich folk vi dei leit richta?”

1. Chronik 22:12

Un da Hah gebt diah veisheit un fashtand vann eah dich ivvah Israel setzt, so es du's ksetz fumm Hah dei Gott haldsht.

Psalm 119:34

Mach mich fashtay, so es ich dei ksetz halda kann, un's du mitt meim gans hatz.

Psalm 119:73

Dei hend henn mich gmacht un kshaffa, gebb miah eisicht, so es ich dei gebodda lanna kann.

Shpricha 4:7

Da ohfang funn di veisheit is dess: Grikk veisheit, es macht nix aus vass es dich kosht, grikk eisicht.

Shpricha 8:15

Deich mich doon kaynicha iahra reich ausfiahra, un roolahs doon goodi gebodda macha.

4. Mosi 27:17

fa raus un nei gay fannich eena; aynah es si raus fiaht un rei bringd, so es di leit nett sinn vi shohf unni en heedah.”

2. Korinther 2:16

Zu aym sinn miah en kshmakk funn doht zu doht, un zumm anra en kshmakk funn layva zu layva. Veah kann uf layva zu dee sacha?

2. Korinther 3:5

Nett es miah goot genunk sinn fa denka es ennich ebbes kumd funn uns selvaht, avvah alles es miah du kenna kumd funn Gott;

5. Mosi 31:2

“Ich binn nau en hunnaht un zvansich yoah ald un ich kann eich nimmi lengah fiahra. Da Hah hott ksawt zu miah, ‘Du solsht nett ivvah da Jordan nivvah gay.’

Jakobus 1:5

Vann ennich ebbah veisheit brauch unnich eich, loss een frohwa funn Gott, deah vo reichlich un geahn gebt zu awl mensha unni faylah finna, un dess vatt eem no gevva.