1. Timotheus 6:12 - Pennsylvania Dutch Bible

¹² Lawf en goot layves-lawf im glawva. Nemm hohld funn ayvich layva, dess vass du groofa voahsht ditzu vo du en goot zeiknis gevva hosht fannich feel zeiya.

1. Timotheus 6:12 ပူးပေါင်းရင်းမြစ်များ

Psalm 63:8

Mei sayl henkt zu diah, dei rechtsi hand haybt mich uf.

Shpricha 3:18

Di veisheit is en layves-bohm zu selli es see ohnemma, un ksaykend sinn selli es zu iahra henka.

Hohches Leet 3:4

Grawt noch demm es ich si falossa habb, habb ich sellah kfunna es mei hatz leeb hott. Ich habb een kohva un habb nett gay glost funn eem biss ich een zu mei maemm iahra haus gebrocht habb, an di shtubb es ich geboahra voah drinn.

Jesoiya 44:5

Aynah zayld sawwa, ‘Ich heah zumm Hah’; en anra sawkt sei nohma is Jakob. Alsnoch en anrah shreibt uf sei hand, ‘Em Hah seinah’, un nemd da nohma ‘Israel’.”

Sacharia 10:5

Si zayla sei vi mechtichi mennah im greek, un shtamba di feinda in da drekk funn di shtrohs. Veil da Hah bei eena is, doon si fechta, un fashohma selli vo geil reida.

2. Korinther 6:7

im Vatt funn di voahheit, in di graft Gottes, deich's greeks-ksha funn gerechtichkeit in di rechts hand un in di lings,

2. Korinther 9:13

Un veil diah eich ufrichtich veiset in demm deensht, zayla feel Gott fagleahra fa eiyah shtandhaftichkeit un zeiknis zumm Effangaylium funn Christus, un fa eiyah frei-villichi kshenkah zu eena un zu anri.

5. Mosi 26:3

Datt sellet diah zumm preeshtah gay es da deensht hott an selli zeit un sawwa zu eem, “Ich bekenn heit zumm Hah dei Gott es ich in's land kumma binn es da Hah kshvoahra hott zu unsah foah-feddah fa uns gevva.”

Philipper 1:30

siddah es diah di naymlichi sacha deich machet es diah ksenna hend in miah, un nau aw heahret veyyich miah.

Kolosser 3:15

Un losset da fridda funn Gott di ivvah-hand havva in eiyah hatza. Zu demm sind diah raus groofa in aym leib. Seind dankboah.

1. Thessalonicher 2:12

so es diah lawfa sellet in en vayk es veahtfol is fa Gott, deah vo eich in sei Kaynich-Reich un hallichkeit groofa hott.

2. Thessalonicher 2:14

Eah hott eich groofa zu demm deich unsah Effangaylium, so es diah di hallichkeit funn unsah Hah Jesus Christus greeya kennet.

1. Timotheus 1:18

Timotheus, mei sohn, ich gebb diah dee gebodda es eiseida mitt di broffetzeiya vo gevva voahra veyyich diah, so es du gedrohsht bisht fa en goodi fecht fechta,

1. Timotheus 1:19

un ohhayva zumm glawva un en blohk-frei hatz. Samm henn iahra hatz nett abkeicht un sinn unnah ganga im glawva.

1. Timotheus 4:14

Fa'acht dei kshenk nett es diah gevva voah deich broffetzeiya an di zeit vo di eldishti iahra hend uf dich glaykt henn.

1. Timotheus 6:13

Ich famohn dich hatt fannich Gott, deah vo layva gebt zu alli-ebbes, un fannich Christus Jesus, deah vo en goot zeiknis gevva hott fannich em Pontius Pilawtus,

1. Timotheus 6:19

Sellah vayk layya si uf fa sich selvaht en goodah grund fa shpaydah naus, so es si hohld nemma kenna fumm layva vass voahlich layva is.

2. Timotheus 1:9

Eah hott uns saylich gmacht un hott uns groofa mitt en heilichah beroof, nett deich vass miah gedu henn, avvah deich vass eah ausgmacht hott fa du, un deich sei gnawt. Eah hott uns dee gnawt gevva deich Christus Jesus eb di veld ohkfanga hott.

2. Timotheus 2:2

Un di sacha es du keaht hosht funn miah deich feel zeiya, dess gebb zu shtandhaftichi mensha, so es si no aw anri lanna kenna.

2. Timotheus 4:7

Ich habb en goodi fecht kfochta, ich habb dess layves-lawf folshtendich ausgedrawwa un faddich gmacht, ich habb da glawva kalda.

Hebräer 13:23

Ich vill havva es diah visset es unsah broodah, da Timotheus, lohs glost is vadda. Vann eah glei kumd, vill ich mitt eem kumma eich sayna.

Hebräer 3:14

Fa miah henn en dayl mitt Christus vann miah biss an's end, fesht ohhayva zu di fadrausht es miah katt henn am ohfang.

Hebräer 6:18

Eah hott dess gedu so es miah zvay uahsacha henn fa sayna es eah nett tshaynsht, un es eah nett leeya kann diveyya. Dess is so es miah vo zu eem kshprunga sinn, hohld nemma kenna funn di hofning un grohsah drohsht havva.

1. Petrus 3:9

Betzawlet nett zrikk evil fa evil adda baysi vadda mitt baysi vadda, avvah sayknet nannah. Fa diah visset es dess is vass diah groofa sind ditzu, so es diah en sayya greeyet.

1. Petrus 5:10

Avvah da Gott funn alli gnawt, deah vo uns raus groofa hott zu sei ayvichi hallichkeit in Christus Jesus, zayld selvaht eich folkumma, shtandhaftich, greftich un gegrund macha, noch demm es diah glidda hend fa en katzi zeit.

1. Johannes 2:25

Un dess is vass eah uns fashprocha hott—es ayvich layva.

Judas 1:3

Leevi breedah, ich habb oahrich geahn vella shreiva zu eich veyyich di saylichkeit es miah awl mitt-nannah henn, avvah ich habb gmaynd's is nohtvendich fa shreiva zu eich un eich famohna es diah shtreidet fa da glawva halda vo ay moll un fa'immah gevva voah zu di saylicha.

Di Offenbarung 3:3

Denk droh vass du grikt hosht un keaht hosht. Hald sell un du boos. Vann du nett vatsht dann kumm ich vi en deeb, un du zaylsht nett vissa velli shtund es ich uf dich kumm.

Richtah 3:2

Eah hott dess gedu fa di nohch-kummashaft funn Israel lanna fa greek ausdrawwa—selli es noch nett im greek voahra difoah.