1. Timotheus 5:13 - Pennsylvania Dutch Bible

¹³ Un nayvich sellem, si lanna fa faul vadda un rumm gay funn haus zu haus. Un's is nett yusht es si nimmi shaffa vella, avvah si drawwa kshvetzah un shtadda anri leit uf bei sacha sawwa es si nett sedda.

1. Timotheus 5:13 ပူးပေါင်းရင်းမြစ်များ

Shpricha 11:13

Ebbah es kshvetzah drawkt hald sacha nett ruich, avvah ebbah es gedraut sei kann hald sei maul ruich.

Shpricha 20:19

Ebbah es kshvetzah drawkt, kann nix hinna rumm halda, so bleib vekk funn ebbah es zu feel shvetzt.

Shpricha 31:27

See vatsht ivvah di sacha funn iahra haus-halding; un see est nett's broht funn faulheit.

Shpricha 7:11

See voah laut un foah-vitzich; iahra fees voahra nee nett dihaym,

3. Mosi 19:16

Du nett kshvetzah drawwa unnich dei leit, un du solsht nix du es dei nochbah sei layva in di kfoah dutt. Ich binn da Hah.

Lukas 10:7

Bleivet in sellem haus, un esset un drinket vass si eich gevva, fa da gnecht is sei lohn veaht; gaynd nett funn haus zu haus.

Di Apostelgeschichte 20:20

Ich habb nix zrikk kalda es goot voah fa eich zu vissa. Ich habb's zu eich ksawt un habb eich gland fannich awl di leit un funn haus zu haus.

Di Apostelgeschichte 20:30

Es zayla aw aus eich selvaht mennah kumma es sacha fadrayya zayla fa broviahra yingah zu sich zeeya.

1. Timotheus 5:12

Si macha sich shuldich veil si iahra eahshti fashpreching nett kalda henn.

Titus 1:11

Si missa shtill gmacht sei, fa si fafiahra gansi haus-haldinga bei eena sach lanna es si nett sedda, un dess noch fa sich selvaht reich macha.

Jakobus 3:10

Aus em sayma maul kumma sayya un fluches. Mei leevi breedah, dee sacha sedda nett so sei.

1. Petrus 4:15

Nimmand funn eich sett leida fa en doht-shlayyah, en deeb adda en evil-shaffah sei, un aw nett es fa en druvvel-machah sei.

3. Johannes 1:10

So vann ich moll kumm, dann bring ich uf zu eem vass eah am du is mitt sei evili kshvetzah geyyich uns. Un vann sell nett genunk veah, eah selvaht nemd di breedah nett ei, un shteld sich geyyich selli vo si einemma vella, un dutt si aus di gmay.