1. Timotheus 3:1 - Pennsylvania Dutch Bible

¹ Dess is gevislich voah: Ennich ebbah es en falanga hott fa en bishof sei, hott en falanga fa en goodi eahvet.

1. Timotheus 3:1 ပူးပေါင်းရင်းမြစ်များ

Shpricha 11:30

Di frucht funn di gerechta is en bohm funn layva, un veah mensha sayla sammeld, hott veisheit.

Lukas 15:10

Grawt so sawwich eich, di engel funn Gott froiya sich vann ay sindah sich bekeaht.”

Di Apostelgeschichte 1:20

“Es is kshrivva in di Psaltah, ‘Sei haymet muss falossa sei, un nimmand dauf datt voona.’ ‘Un's muss ebbah shunsht sei deensht nemma.’

Di Apostelgeschichte 20:28

So vatshet eich selvaht, un gevvet acht uf di drubb leit es da Heilich Geisht eich ivvah-saynah gmacht hott difunn. Heedet di gmay Gottes es Jesus gekawft hott mitt sei aykna bloot.

Römer 11:13

Ich binn am shvetza zu eich vo nett Yudda sinn. Siddah es ich da aposhtel binn zu dee vo nett Yudda sinn, dann mach ich feel funn meim deensht.

Epheser 4:12

Dess voah so es eah glawvichi rishta kann fa di eahvet fumm deensht, un deich sell, Christus sei leib ufgebaut vadda kann,

Philipper 1:1

Paulus un Timotheus, gnechta funn Jesus Christus, zu awl di saylicha in Christus Jesus vo an Philippi sinn un aw zu di bishofs un di mitt-deenah.

1. Thessalonicher 5:14

Nau miah famohna eich, leevi breedah, es diah selli vanna doond vo faul sinn, drayshtet selli vo vennich moot henn, drawwet di shvacha, un seind geduldich mitt alli-ebbah.

1. Timotheus 1:15

Dess sinn voahri vadda un alli-ebbah sett si ohnemma: Jesus Christus is in di veld kumma fa sindah saylich macha. Un ich binn da shlimsht sindah.

1. Timotheus 4:9

Sell is geviss voah un ma sedda's folshtendich ohnemma.

2. Timotheus 2:11

Miah kenna uns falossa uf dee vadda: Vann miah kshtauva sinn mitt eem, dann zayla miah aw layva mitt eem.

Titus 1:7

En bishof es Gott sei eahvet dutt muss aynah sei es unshuldich is in alli sacha: nett dikk-kebbich un zannich, kenn siffah; aynah es nett druff shlakt, un nett greedich un uneahlich is.

Titus 3:8

Dess is gevislich voah. Un ich vill havva es du anri dess veiklich lansht, so es selli vo an Gott geglawbt henn shuah macha sella es si goodi verka doon. Dee sacha sinn goot un helfa awl mensha.

Hebräer 12:15

Saynet ditzu es nimmand di gnawt funn Gott fafayld, un es kenn biddahri vatzel uf vaxt fa druvvel macha, un deich sell, es feel unrein gmacht vadda.

1. Petrus 2:25

Fa diah voahret vi shohf es sich faloahra henn, avvah nau sind diah zrikk kumma zumm shohf-heedah un bishof funn eiyah sayla.

1. Petrus 4:15

Nimmand funn eich sett leida fa en doht-shlayyah, en deeb adda en evil-shaffah sei, un aw nett es fa en druvvel-machah sei.

1. Petrus 5:2

Heedet di drubb vo zu Gott heaht un vo unnich eich is. Ivvah-saynet si, nett veil diah misset, avvah frei-villich; nett fa betzawld vadda, avvah mitt en eahnshtlich hatz.