1. Thessalonicher 2:1 - Pennsylvania Dutch Bible

¹ Diah visset, leevi breedah, es es nett fa nix voah es miah zu eich kumma sinn.

1. Thessalonicher 2:1 ပူးပေါင်းရင်းမြစ်များ

Hiob 39:16

See is veesht zu iahra yungi, es vann si nett iahri veahra, un see gebt nix drumm es iahra eahvet fa nix voah.

Psalm 127:1

Vann da Hah's haus nett baut, dann is di eahvet funn di shaff-leit fa nix. Vann da Hah nett ivvah di shtatt vatsht, dann doon di vatshah es vatsha fa nix.

Psalm 73:13

Voah's fa nix es ich mei hatz rein kalda habb, un mei hend gvesha habb in unshuld?

Jesoiya 49:4

Avvah ich habb ksawt, “Ich habb kshaft fa nix; ich habb mei graft gevva un's hott nix gebatt. Doch, mei recht un vass zu miah heaht is im Hah sei hand, mei lohn is mitt mei Gott.”

Jesoiya 65:23

Si zayla nett shaffa un nix raus greeya, adda kinnah havva es yung umkumma; si sinn en leit es ksaykend vadda beim Hah, un aw iahra nohch-kummashaft.

Habakuk 2:13

Is es nett fumm Awlmechticha Hah es leit iahra eahvet nuff gayt in flamm, un di heida sich meet macha fa nix?

1. Korinther 15:10

Avvah deich di gnawt funn Gott binn ich vass ich binn. Un sei gnawt uf miah voah nett fa nix. Fa ich habb haddah kshaft es si awl. Doch, es voah nett mich avvah di gnawt funn Gott mitt miah.

1. Korinther 15:2

Deich dess Effangaylium sind diah saylich vadda, vann diah noch meindet un haldet vass ich gebreddicht habb zu eich. Adda dann voah's fa nix es diah geglawbt hend.

1. Korinther 15:58

Fasell, mei leevi breedah, shtaynd fesht, un losset nett nohch. Doond immah eiyah besht in di eahvet fumm Hah, fa diah visset es eiyah eahvet im Hah nett fa nix is.

2. Korinther 6:1

Miah, dann, vo mitt-helfah sinn zu eem, famohna eich es diah di gnawdi Gottes nett ohnemmet fa nix.

Galater 2:2

Ich binn ganga noch demm es es miah gvissa voah, un habb's Effangaylium fannich si ksetzt vass ich breddich unnich di Heida. Ich habb avvah dess gedu mitt selli laynich vo nuff gegukt voahra ditzu, so es ich nett shpringa dayt adda kshprunga hett fa nix.

Galater 4:11

Ich feich mich fa eich, es fleicht awl mei eahvet ivvah eich fa nix voah.

Philipper 2:16

vi diah's Vatt funn layva uf hayvet. No kann ich froh sei veyya eich uf em dawk funn Christus veil ich nett kshprunga binn fa nix, adda kshaft habb fa nix.

1. Thessalonicher 2:13

Miah danka aw Gott di gans zeit fa dess: vo diah's Vatt Gottes ohgnumma hend es diah keaht hend funn uns, hend diah's ohgnumma nett es es vatt funn mensha, avvah fa vass es voahhaftich is: es Vatt funn Gott, dess vass am shaffa is in eich vo glawva.

1. Thessalonicher 3:5

Fasell, vo ich's nimmi lengah shtenda habb kenna, habb ich kshikt fa ausfinna veyyich eiyah glawva. Ich habb kfeicht es fleicht in samm vayk hott da fasuchah eich fasucht un unsah eahvet voah alles fa nix.

2. Thessalonicher 1:10

vann eah moll kumd fa hallichkeit greeya funn awl sei saylichi leit. Un awl di glawvicha zayla fashtaund sei ivvah een in sellem dawk. Dess nemd eich ei, veil diah geglawbt henn vass miah eich ksawt henn.

2. Thessalonicher 3:1

Endlich, leevi breedah, baydet fa uns, so es es Vatt fumm Hah shteik fassich gayt un fakleaht vatt, so vi's is bei eich.