1. Samuel 31:8 - Pennsylvania Dutch Bible

⁸ Da neksht dawk vo di Philishtah kumma sinn fa di dohda shtribba, henn si da Saul un sei drei boova kfunna uf em Berg Gilboa leiya.

1. Samuel 31:8 ပူးပေါင်းရင်းမြစ်များ

2. Samuel 1:20

Fazaylet's nett in Gath, sawwet's nett in di shtrohsa funn Askalon, so es di mayt funn di Philishtah sich nett froiya, so es di mayt funn di unbeshniddana nett froh sinn.

2. Samuel 1:21

Oh berga funn Gilboa, es soll kenn dau adda reyyah uf eich falla un di feldah sella kenn frucht gevva. Fa datt is vo's shield funn di mechticha unrein gmacht voah, em Saul sei shield is nimmi ksalbt mitt ayl.

1. Chronik 10:8

Da neksht dawk vo di Philishtah kumma sinn fa di dohda rawva, henn si da Saul un sei boova kfunna uf em Berg Gilboa.

2. Chronik 20:25

So is da Josaphat un di mennah nunnah ganga fa's sach nemma es ivvahrich voah. Si henn feel sach kfunna unnich eena, greeks-ksha, glaydah un keshtlich sach es si gnumma henn fa sich selvaht, may es si drawwa henn kenna. Es hott si drei dawk gnumma fa awl's sach vekk drawwa veil's so feel voah.

1. Samuel 28:4

Di Philishtah sinn zammah ruff kumma un henn iahra camp ufkokt an Sunem; un da Saul hott gans Israel zammah groofa, un si henn sich ufkokt an Gilboa.

1. Samuel 31:7

Vo di leit funn Israel in di valley un selli uf di annah seit fumm Jordan ksenna henn es di greeks-gnechta funn Israel kshprunga sinn, un es da Saul un sei boova doht voahra, henn si iahra shtett falossa un sinn aw kshprunga. No sinn di Philishtah kumma un sinn in di shtett nei gezowwa.

1. Samuel 31:9

Si henn sei kobb abkshnidda, un henn sei greeks-ksha abgnumma. No henn si's vatt deich's gans land funn di Philishtah kshikt fa dee goodi zeiya vissa lossa in iahra abgott tempels un unnich di leit.