1. Samuel 25:33 - Pennsylvania Dutch Bible

³³ Un du solsht ksaykend sei fa dei goodah fashtand, un fa mich halda funn bloot fageesa deah dawk, un fa mich halda funn evil zrikk betzawla mitt mei aykni hend.

1. Samuel 25:33 ပူးပေါင်းရင်းမြစ်များ

Psalm 141:5

Loss en gerechtah mann mich freindlich shlauwa, un mich recht setza veil eah's goot maynd. Loss een mich zanka; es is vi ayl uf mei kobb leahra, un mei kobb soll sich nett veahra digeyya. Doch ich bayt di gans zeit geyyich di ungerechta iahra verka.

2. Mosi 22:2

Vann en deeb kfanga vatt am eiyets nei brecha un is kshlauwa so es eah shtaubt, dann brauch kenn bloot fagossa sei fa een.

Shpricha 13:14

Di lanning es gevva is bei selli mitt veisheit, is en shpring funn layva, un hald ebbah aus em fang-shtrikk fumm doht.

Shpricha 17:10

En shmeahdah mann land may bei aymol gezankt vadda, es vi en dummah dutt bei en hunnaht mohl gegaysheld vadda.

Shpricha 25:12

En zank gevva zu en oah es heaht bei ebbah mitt veisheit, is vi en goldichah oahra-ring adda en goldich hals-band.

Shpricha 27:21

Vi gold un silvah broviaht is bei feiyah, so is en mann ausbroviaht vann eah gepreist vatt.

Shpricha 28:23

Ebbah es en mann grawt raus zankt, grikt shpaydah may dank, es vi ebbah es en mann ohshmaycheld mitt di zung.

Shpricha 9:9

Lann en mann mitt veisheit, un eah zayld may veisheit havva, lann en gerechtah mann, un eah macht sich may lanning.

1. Samuel 24:19

Vann en mann sei feind find, dutt eah een gay lossa unni eem shawda du? Loss da Hah dich zrikk betzawla mitt goodes fa vass du gedu hosht zu miah heit.

1. Samuel 25:26

Un nau, mei meishtah, so shuah es da Hah laybt un es du laybsht, siddah es da Hah dich kalda hott funn bloot fageesa un funn zrikk betzawla mitt dei aykni hand, loss nau awl dei feinda es diah shawda du vella, sei vi da Nabal.

1. Samuel 25:31

dann soll dess diah nett foah-kumma un vay du, un diah en gedruvveld hatz gevva veil du bloot fagossa hosht unni uahsach un evil zrikk betzawld hosht. Vann da Hah diah moll goot gedu hott, dann fagess nett dei mawt.”