1. Samuel 21:11 - Pennsylvania Dutch Bible

¹¹ Avvah em Achis sei gnechta henn ksawt zumm Achis, “Is dess nett da Dawfit, da kaynich fumm land? Is dess nett da mann es si gedanst henn diveyya un henn ksunga, ‘Da Saul hott sei dausends doht gmacht, un da Dawfit sei zeyya dausends’?”

1. Samuel 21:11 ပူးပေါင်းရင်းမြစ်များ

Psalm 34:1

Ich vill da Hah lohva di gans zeit, sei lohb soll immah in meim maul sei.

1. Samuel 16:1

Da Hah hott ksawt zumm Samuel, “Vee lang zaylsht du veina ivvah da Saul, siddah es ich een nunnah gedrayt habb fa kaynich sei ivvah Israel? Fill dei hann mitt ayl un gay; ich zayl dich zumm Jesse funn Bethlehem shikka, fa ich habb ayns funn sei boova raus glaysa fa mei kaynich sei.”

1. Samuel 19:18

Vo da Dawfit difunn ganga is un eena vekk kumma is, is eah zumm Samuel an Rama ganga un hott alles fazayld es da Saul gedu hott zu eem. No is eah un da Samuel an Naioth ganga un sinn datt geblivva.

1. Samuel 27:1

Da Dawfit hott zu sich selvaht gedenkt, “Ayns funn dee dawwa zayl ich doht gmacht sei beim Saul. 'S besht ding es ich du kann fa vekk kumma funn eem is fa in's land funn di Philishtah gay. No heaht da Saul uf sucha fa mich in gans Israel, un ich shlibb aus sei hand.”

1. Samuel 27:2

So is da Dawfit un di sex hunnaht mennah bei eem, nivvah ganga zumm Achis, em Maoch sei boo, da kaynich funn Gath.

1. Samuel 29:5

Is dess nett sellah Dawfit es si ksunga henn diveyya in iahra dansa: ‘Da Saul hott sei dausends doht gmacht, un da Dawfit sei zeyya dausends’?”