1. Samuel 20:30 - Pennsylvania Dutch Bible

³⁰ No hott em Saul sei zann gebrend geyyich da Jonathan un eah hott ksawt zu eem, “Du sohn funn en unkeiyahdi fraw! Vays ich nett es du eiseitsht mitt em Jesse sei boo zu dei ayknah shohm, un da shohm funn dei muddah es dich gedrawwa hott?

1. Samuel 20:30 ပူးပေါင်းရင်းမြစ်များ

Hiob 5:2

Shpeit bringd da unksheit um, un fagunsht shlakt da dumm doht.

Shpricha 14:29

Ebbah es nett kshvind bays vatt hott veisheit, avvah ebbah es kshvind bays vatt veist vi dumm es eah is.

Shpricha 15:2

En zung mitt veisheit macht di lanning leeblich, avvah's maul fumm unksheida shvetzt yusht dumhayda.

Shpricha 19:12

En kaynich sei zann is vi's roahres funn en layb, avvah sei gnawt is vi da dau uf em graws.

Shpricha 19:19

En mann es kshvind bays vatt muss betzawla difoah, vann du eem aus druvvel helfsht, musht's yusht viddah du.

Shpricha 21:24

“Shpoddah” is da nohma fumm shtolsa un grohs-feelicha mann; eah lawft in frechi shtolsheit.

Shpricha 25:28

En mann es sei zann nett zrikk hayva kann, is vi en uffeni shtatt unni mavvahra.

Shpricha 27:3

En shtay is shveah, un sand hott gvicht, avvah da druvvel es en unksheidah macht is shveahrah es si awl zvay.

Matthäus 5:22

Avvah ich sawk eich; ennich ebbah es bays vatt ivvah sei broodah, eah is es gericht shuldich. Un ennich ebbah es sawkt zu sei broodah, ‘Racha,’ is shuldich fa fannich di Council gebrocht sei. Un ennich ebbah es ebbah shunsht naddish hayst, is shuldich fa in's feiyah funn hell gedu sei.

Epheser 4:31

Losset eiyah biddahri un baysi gedanka, eiyah zann un gefecht, un eiyah shlechti kshvetzah vekk gedu vadda funn eich, un aw awl eiyah hass.

Epheser 6:4

Un diah feddah, shtaddet eiyah kinnah nett uf so es si in da zann kumma, avvah zeeyet si uf in di adning un famohning fumm Hah.

1. Samuel 20:29

Eah hott ksawt, ‘Loss mich gay veil unsah family en opfah opfahra zayld in di shtatt, un mei broodah hott mich kfrohkt fa datt sei. Vann ich gnawt kfunna habb in dei awwa, loss mich gay mei breedah sayna.’ Fasell is eah nett am kaynich sei dish kumma.”

1. Samuel 20:31

So lang es em Jesse sei boo laybt uf di eaht, dann zaylsht du adda dei kaynich-reich nett ufkokt vadda. Nau gay un shikk fa een un bring een zu miah, fa eah soll geviss doht gmacht sei.”