1. Samuel 15:26 - Pennsylvania Dutch Bible

²⁶ Avvah da Samuel hott ksawt zu eem, “Ich gay nett zrikk mitt diah. Du hosht em Hah sei vatt nunnah gedrayt, un da Hah hott dich nunnah gedrayt fa kaynich ivvah Israel sei.”

1. Samuel 15:26 ပူးပေါင်းရင်းမြစ်များ

1. Mosi 42:38

Avvah da Jakob hott ksawt, “Mei boo zayld nett nunnah gay mitt diah. Sei broodah is doht un eah laynich is ivvahrich. Vann's ennich ebbes gebt mitt eem uf em vayk es diah gay zaylet, dann bringsht du mei grohwah kobb in's grawb mitt dreebsawl.”

2. Samuel 12:9

Favass hosht du em Hah sei vatt fa'acht bei so evil du in sei awwa? Du hosht da Uriah da Hethiddah nunnah kshlauwa mitt em shvatt un hosht sei fraw gnumma fa dei aykni sei. Du hosht een doht gmacht mitt em shvatt funn di Ammoniddah.

2. Samuel 7:15

Avvah mei shtandhaftichi-leevi vatt nee nett vekk gnumma funn eem vi ich see vekk gnumma habb fumm Saul, deah es ich runnah gnumma habb eb du kaynich voahsht.

Jeremia 6:19

Heich mich ab, oh eaht: Ich zayl evil uf dee leit bringa, dess is da shtrohf fa iahra shkeems, veil si mei vadda nett abkeicht henn, un mei ksetz nunnah gedrayt henn.

Hosea 13:11

So habb ich diah en kaynich gevva in meim zann, un in meim zann, habb ich een vekk gnumma.

Hosea 4:6

Mei leit gayn unnah veil si nett gland sinn. Veil du lanning nunnah gedrayt hosht, dann dray ich dich aw nunnah fa mei preeshtah sei. Veil du's ksetz funn dei Gott fa'acht hosht dann fa'acht ich aw dei kinnah.

Di Apostelgeschichte 13:22

Un vo Gott da Saul vekk gedu hott, hott eah da Dawfit kaynich gmacht, un hott ksawt veyyich eem, ‘Ich habb da Dawfit kfunna. Eah is em Jesse sei boo, un is psunna noch meim ayya hatz. Eah zayld du vass ich havva vill.’

2. Johannes 1:11

Fa veah eem di zeit beet, hott en dayl in sei evili sacha.

1. Samuel 13:14

Avvah nau zayld dei kaynich-reich nett shtay. Da Hah hott en mann raus ksucht noch sei ayya hatz un hott een roolah gmacht ivvah sei leit, veil du em Hah sei gebott nett kalda hosht.”

1. Samuel 15:23

Geyyich Gott shaffa is vi di sind funn hexahrei, un dikk-kebbich sei is vi's evila funn abgettah deena. Veil du's vatt fumm Hah nunnah gedrayt hosht, dann hott eah dich aw nunnah gedrayt fa kaynich sei.”

1. Samuel 15:31

So is da Samuel zrikk ganga mitt em Saul, un da Saul hott da Hah gedeend.

1. Samuel 16:1

Da Hah hott ksawt zumm Samuel, “Vee lang zaylsht du veina ivvah da Saul, siddah es ich een nunnah gedrayt habb fa kaynich sei ivvah Israel? Fill dei hann mitt ayl un gay; ich zayl dich zumm Jesse funn Bethlehem shikka, fa ich habb ayns funn sei boova raus glaysa fa mei kaynich sei.”

1. Samuel 2:30

Fasell sawkt da Hah Gott funn Israel, ‘Ich habb fashprocha es dei haus-halding un dei faddah sei haus-halding fannich miah lawfa sella fa'immah.’ Avvah nau sawkt da Hah, ‘'Sis veit funn miah; selli es mich eahra, zayl ich eahra; avvah selli es mich fa'achta zayla fa'acht vadda.

1. Samuel 28:18

Veil du em Hah nett keicht hosht, un hosht nett sei heslichah zann ausgedrawwa geyyich di Amalekiddah, dann hott da Hah dess gedu zu diah heit.