1. Samuel 15:20 - Pennsylvania Dutch Bible

²⁰ “Avvah ich habb em Hah keicht,” hott da Saul ksawt. “Ich binn ganga di eahvet du es da Hah miah gevva hott. Ich habb di Amalekiddah awl doht gmacht un habb iahra kaynich da Agag zrikk gebrocht.

1. Samuel 15:20 ပူးပေါင်းရင်းမြစ်များ

Hiob 33:9

‘Ich binn rein un habb nix letzes gedu; ich binn unshuldich un habb kenn sinda.

Hiob 34:5

Da Hiob sawkt, ‘Ich binn gerecht, avvah Gott hott mei recht vekk gnumma.

Hiob 35:2

“Nemsht du dess fa recht sei, vann du sawksht, ‘Ich binn may gerecht es Gott?’

Hiob 40:8

Zaylsht du veiklich mei gericht zu nix macha? Daytsht du mich fadamma yusht so es du gerecht bisht?

Matthäus 19:20

Da yung mann hott ksawt zu eem, “Awl dee sacha havvich gedu funn yungem uf, vass havvich noch nohtvendich?”

Lukas 10:29

Avvah eah hott nett vella di eah ufgevva, so hott eah Jesus kfrohkt, “Veah is mei nochbah?”

Lukas 18:11

Da Pharisayah hott sich anna kshteld un hott gebayda mitt sich selvaht vi dess, ‘Ich dank dich, Gott, es ich nett binn vi anri leit, en rawvah, ungerecht, en aybrechah, adda even vi deah tax-einemmah.

Römer 10:3

Fa diveil es si Gott sei gerechtichkeit nett fashtayn, un vella iahra aykni gerechtichkeit ausshaffa, dann henn si sich nett unnich di gerechtichkeit funn Gott gevva.

1. Samuel 15:13

Vo da Samuel zumm Saul kumma is, hott da Saul ksawt, “Ksaykend bisht du beim Hah! Ich habb em Hah sei gebott ausgedrawwa.”

1. Samuel 15:3

Nau gay un fecht di Amalekiddah un butz alles vekk es si henn. Un shpoah si selvaht aw nett, mach alli-ebbah doht, mennah, veibsleit, kinnah, boblen, kee, shohf, kamayla un aysla.’”

1. Samuel 15:8

Eah hott da Agag, da kaynich funn di Amalekiddah, levendich kfanga, un hott awl di leit doht gmacht mitt em shvatt.

1. Samuel 28:18

Veil du em Hah nett keicht hosht, un hosht nett sei heslichah zann ausgedrawwa geyyich di Amalekiddah, dann hott da Hah dess gedu zu diah heit.