1. Samuel 15:17 - Pennsylvania Dutch Bible

¹⁷ Da Samuel hott ksawt, “Is es nett voah, es du dich glay gezayld hosht in dei aykni awwa, un doch voahsht du da foah-gengah gmacht funn di shtamma funn Israel? Da Hah hott dich ksalbt fa kaynich sei ivvah Israel.

1. Samuel 15:17 ပူးပေါင်းရင်းမြစ်များ

Hosea 13:1

Vann da Ephraim kshvetzt hott, henn leit geziddaht, eah voah hohch ufkohva in Israel, avvah deich Baal deena, is eah shuldich vadda, un is kshtauva.

Matthäus 18:4

Veah-evvah es sich daymeedich macht vi dess kind, sellah is da graysht im Himmel-Reich.

Richtah 6:15

“Avvah mei meishtah,” hott da Gideon kfrohkt, “vi kann ich Israel frei macha? Mei freindshaft is di shvachsht in Manasse, un ich binn da yingsht in unsah family.”

1. Samuel 10:1

No hott da Samuel en boddel mitt ayl gnumma un hott's uf em Saul sei kobb gleaht, hott een gekist un hott ksawt, “Hott nett da Hah dich ksalbt fa da roolah ivvah sei eahbshaft sei?

1. Samuel 10:22

So henn si veidah kfrohkt fumm Hah, “Is da mann dann do?” Un da Hah hott ksawt, “Yau, eah hott sich fashtekkeld unnich di leit iahra shtoft.”

1. Samuel 15:16

No hott da Samuel ksawt zumm Saul, “Voaht, loss mich diah sawwa vass da Hah ksawt hott zu miah letsht nacht.” “Sawk miah's,” hott da Saul ksawt.

1. Samuel 9:21

Da Saul hott andvat gevva, “Binn ich nett en Benjaminiddah funn di glensht shtamm funn Israel? Un is nett mei kshlecht di glensht kshlecht funn awl di kshlechtah fumm Benjamin? Favass sawksht du so en ding zu miah?”