1. Samuel 14:25 - Pennsylvania Dutch Bible

²⁵ Awl di leit sinn no in da bush ganga un's voah hunnich datt uf em bodda.

1. Samuel 14:25 ပူးပေါင်းရင်းမြစ်များ

2. Mosi 3:8

So binn ich runnah kumma fa si frei macha funn di Egyptah, un fa si ruff aus sellem land bringa in en goot un grohs land. In demm land lawft millich un hunnich vi vassah, un is da blatz vo di Kanaaniddah, di Hethiddah, di Amoriddah, di Pheresiddah, di Heffiddah un di Jebusiddah voona.

Shpricha 25:16

Vann du hunnich findsht, ess nett zu feel, zu feel macht dich ruff shmeisa.

4. Mosi 13:27

Dess is vass si em Mosi ksawt henn: “Miah sinn in's land ganga es du uns nei kshikt hosht, un veiklich millich un hunnich lawft drinn! Do is di frucht.

5. Mosi 9:28

Fa no kann's land es du si raus gebrocht hosht difunn, sawwa, ‘Veil da Hah si nett in's land bringa hott kenna es eah eena fashprocha hott, un veil eah si kast hott, hott eah si raus gebrocht fa si doht macha in di vildahnis.’

Richtah 14:9

Eah hott da hunnich raus gegratzt mitt sei hend un hott en gessa vi eah am gay voah. Vo eah zu sei maemm un daett kumma is, hott eah eena aw samm gevva un si henn's gessa. Avvah eah hott eena nett ksawt es eah da hunnich aus em dohda layb gnumma hott.

1. Samuel 14:24

Nau di mennah funn Israel sinn matt vadda sellah dawk veil da Saul di leit fashvoahra katt hott un ksawt katt hott, “Faflucht is ennich ebbah es ebbes est eb ohvet, biss ich ayva va mitt mei feinda.” So henn kens funn di leit ebbes gessa.

1. Samuel 14:26

Vo di leit in da bush ganga sinn henn si da hunnich ksenna lawfa, avvah nimmand hott gnumma un in sei hand un maul gedu, veil si sich kfeicht henn veyyich em Saul sei fluch.