1. Petrus 2:15 - Pennsylvania Dutch Bible

¹⁵ Fa's is Gottes villa es diah goot doond, un sellah vayk di unglanda kshvetzah funn unshiklichi mensha shtill machet.

1. Petrus 2:15 ပူးပေါင်းရင်းမြစ်များ

Hiob 2:10

Eah hott ksawt zu iahra, “Du shvetsht vi di dumma veibsleit shvetza. Sedda miah goodi sacha ohnemma funn Gott un nett shlechti?” Deich awl dess hott da Hiob nett ksindicht mitt sei leftz.

Hiob 5:16

So henn di oahma hofning, un ungerechtichkeit muss sei maul zu macha.

Psalm 107:42

Di ufrichticha sayna dess un sinn froh, avvah's macht awl di ungerechta iahra maul zu.

Psalm 5:5

Di braekkah daufa nett fannich dei awwa shtay, du hasht awl selli es letz doon.

Shpricha 9:6

Falosset eiyah dummi vayya un greeyet layva, un lawfet im vayk funn eisicht.

Jeremia 4:22

“Mei leit sinn dumm, si vissa nett veah ich binn. Vi kinnah, fashtayn si nix, un henn kenn eisicht. Si sinn goot am evil du, avvah si vissa nett vi fa goot du.”

Matthäus 25:2

Fimf funn eena voahra unbekimmaht, un fimf funn eena voahra foah-sichtich.

Matthäus 7:26

Un veah-evvah es mei vadda heaht un dutt si nett, een doon ich fagleicha zu en mann unni veisheit es sei haus uf da sand gebaut hott.

Römer 1:21

Diveil es si gvist henn es Gott is, henn si eem di hallichkeit nett gevva es Gott, adda een gedankt, avvah iahra gedanka sinn leah un nix veaht vadda, un iahra unfashtendichi hatza sinn dunkel vadda.

Galater 3:1

Diah unksheidi Galaddah! Veah hott eich fahext es diah di voahheit nett heichet? Fannich eiyah aykni awwa voah Jesus Christus fakindicht es gegreitzicht.

5. Mosi 32:6

Is dess da vayk es diah da Hah zrikk betzawlet, diah dummi un unkshikti leit? Is eah nett eiyah Faddah un eiyah Hah, deah es eich gmacht hott un ufketzt hott?

1. Thessalonicher 4:3

Fa dess is Gott sei villa, es diah heilich un frei funn huahrahrei sind,

1. Thessalonicher 5:18

Seind dankboah in alli sacha, fa dess is Gott sei villa fa eich in Jesus Christus.

1. Timotheus 1:13

Even noch demm es ich een eahshtah faleshtaht, fafolkt un veeshtahlich geblohkt habb, voah eah bamhatzich zu miah, veil ich nett gvist habb vass ich am du voah, un habb's gedu in unglawva.

Titus 2:8

un dei kshvetz muss so sei es es nett fadamd sei kann. Dess is so es selli vo geyyich dich sinn sich shemma missa veil si nix shlechtes henn zu sawwa veyyich uns.

Titus 3:3

Fa miah voahra aw moll unkshikt, unni veisheit un henn nett keicht. Miah voahra fafiaht un gnechta zu alli sadda lusht un blesiah. Miah henn glaybt in ungerechtichkeit un henn anri leit sacha fagund. Leit henn uns kast un miah henn nannah kast.

1. Petrus 2:12

Un fiahret en goot layves-lawf unnich di Heida, so es vann si shvetza geyyich eich veyyich letz du, dann kenna si sayna es diah goodi sacha doond, un si gevva Gott di eah uf em dawk vann eah moll kumd.

1. Petrus 3:16

Avvah doond's mitt sanftmoot un en blohk-frei hatz, so es selli vo geyyich eich shvetza es vann diah evil du daydet, sich shemma missa fa letz shvetza veyyich eiyah goot layves-lawf in Christus.

1. Petrus 3:17

Fa's is bessah fa leida fa recht du, vann sell Gott sei villa is, es vi leida fa letz du.

1. Petrus 4:2

Fasell, laybt eah's ivvahrich funn sei nadiahlichi zeit, nett noch di lusht funn mensha, avvah noch em villa funn Gott.

2. Petrus 2:12

Avvah dee do sinn vi nadiahlichi diahra unni fashtand; geboahra fa kfanga un kshlachta sei. Si leshtahra veyyich sacha es si nix vissa diveyya, un kumma um in iahra aykni unreinichkeit.

Judas 1:10

Dee leit, avvah, leshtahra veyyich sacha es si nix vissa diveyya. Avvah in di sacha es si nadiahlich vissa doon, grawt vi di nadiahlichi diahra, in selli sacha doon si sich gans unrein macha.