1. Petrus 1:25 - Pennsylvania Dutch Bible

²⁵ avvah's Vatt fumm Hah shtayt deich di ayvichkeit.” Sell Vatt is es Effangaylium vass gebreddicht voah zu eich.

1. Petrus 1:25 ပူးပေါင်းရင်းမြစ်များ

Psalm 102:12

Avvah du, oh Hah, hoksht uf em kaynich-shtool fa'immah; dei nohma bleibt ayvichlich.

Psalm 102:26

Si zayla awl fagay, avvah du bleibsht, si zayla awl ausveahra vi glaydah; vi glaydah dusht du si aus, un no vadda si vekk kshmissa.

Psalm 119:89

Dei vatt, oh Hah, is ayvichlich im himmel, un shtayt fesht fa'immah.

Jesoiya 40:6

En shtimm hott ksawt, “Roof naus!” Un ich habb ksawt, “Vass soll ich naus roofa?” “Awl mensha sinn vi graws, un awl iahra shtandhaftichi-leevi is vi di blumma im feld.

Jesoiya 40:8

Es graws favelkt un di blumma falla ab, avvah's vatt funn unsah Gott shtayt fa'immah.”

Matthäus 5:18

Ich sawk eich di voahret; so lang es da Himmel un di eaht shtayn, zayld nett ay bushtawb, adda ay punka, vekk gnumma vadda fumm Ksetz, nett biss es alles folfild is.

Lukas 16:17

Avvah's is nett so hatt fa da Himmel un di eaht zu fagay, es es is fa ay shtrichli fumm Ksetz vekk gnumma vadda.

Johannes 1:1

Im ohfang voah's Vatt, un's Vatt voah bei Gott, un's Vatt voah Gott.

Johannes 1:14

Un's Vatt is flaysh vadda, un hott unnich uns glaybt. Miah henn sei hallichkeit ksenna, foll mitt gnawt un voahheit. Dess voah di hallichkeit fumm Faddah sei aynsishtah Sohn.

1. Korinther 2:2

Fa ich habb ausgmacht fa nix vissa unnich eich vi yusht Jesus Christus un sei doht uf em greitz.

Epheser 2:17

Eah is kumma un hott fridda gebreddicht zu eich vo veit ab voahra funn Gott un aw selli vo nayksht voahra;

Epheser 3:8

Zu miah, even da vennichsht funn awl di glawvicha, hott Gott dee gnawt gevva es ich dee unbegreiflichi reichi sacha funn Christus breddicha dauf zu di Heida,

Titus 1:3

Un an di recht zeit hott eah sei Vatt bekand gmacht deich breddicha, dess vass eah miah fadraut hott deich's gebott funn Gott, unsah Heiland.

Hebräer 6:5

un vo's goot Vatt Gottes un di graft funn di neksht veld fasucht katt henn,

1. Petrus 1:12

Es voah gevva zu eena fa vissa es si nett am sich selvaht deena voahra, avvah uns, vo si kshvetzt henn veyyich sacha es nau zu eich gebreddicht vadda. Dee sacha voahra gevva zu eich bei selli es es Effangaylium gebreddicht henn zu eich deich da Heilich Geisht vo fumm Himmel kshikt voah. Dess sinn sacha es di engel gleicha dayda nei gukka.

1. Petrus 1:23

Diah sind viddah-geboahra vadda, nett mitt sohma es fagayt, avvah mitt sohma es nett fagayt, deich's levendich Vatt Gottes vass ayvichlich shtayt.

1. Petrus 2:2

Vi nei geboahrani kinnah en falanga henn fa millich, so hend en falanga fa geishtlichi millich im vatt, so es diah vaxa kennet deich sell,

2. Petrus 1:19

Un's Vatt funn di brofayda voah may fesht gmacht zu uns, un diah doond goot fa's abheicha. Dess is vi en licht es am sheina is in en dunklah blatz biss es dawk vatt un di meiya-shtann ufkumd in eiyah hatza.

1. Johannes 1:1

Sell vass fumm ohfang voah, vass miah keaht henn, vass miah mitt unsah awwa ksenna henn, vass miah ohgegukt henn un ohgraykt henn mitt unsah hend—dess is veyyich em Vatt funn layva.

1. Johannes 1:3

Vass miah keaht henn un ksenna henn fakindicha miah zu eich so es diah ayns sei kennet mitt uns in gmeinshaft, un unsah gmeinshaft is mitt em Faddah un mitt seim Sohn Jesus Christus.

Di Offenbarung 14:6

No habb ich noch en engel ksenna am fleeya in di mitt fumm Himmel. Eah hott's ayvich Effangaylium katt fa breddicha zu selli vo uf di eaht layva, zu alli land, kshlecht, shprohch un leit.