1. Mosi 8:20 - Pennsylvania Dutch Bible

²⁰ No hott da Noah en awldah zumm Hah gebaut, un hott funn awl di reini diahra un awl di reini fekkel gnumma un hott brand-opfahra gopfaht uf em awldah.

1. Mosi 8:20 ပူးပေါင်းရင်းမြစ်များ

1. Mosi 13:18

No hott da Abram sei tents runnah gnumma un is ganga voona an di baym vo zumm Mamre keaht henn. Dess voah in Hebron. Datt hott eah en awldah zumm Hah gebaut.

1. Mosi 13:4

un da blatz fumm awldah es eah eahshtah gmacht katt hott. Datt hott eah da Hah gedeend un em Hah sei nohma ohgroofa.

1. Mosi 22:2

No hott Gott ksawt, “Nemm dei boo, dei aynsishtah boo, da Isaac es du leeb hosht, un gay in's land Moriah. Datt opfah een es en brand-opfah uf ayns funn di hivla es ich diah sawwa zayl.”

1. Mosi 22:9

No sinn si an da blatz kumma es Gott eem ksawt katt hott. Da Abraham hott no en awldah gebaut un hott's hols druff glaykt. Eah hott no sei boo da Isaac gebunna un hott een uf's hols glaykt.

1. Mosi 26:25

So hott eah en awldah datt gebaut un hott da nohma fumm Hah ohgebayda. Eah hott sei tent datt uf gedu, un em Isaac sei gnechta henn en vassah-brunna gegrawva datt.

1. Mosi 33:20

Da Jakob hott no en awldah gebaut datt un hott en “Gott, da Gott funn Israel”, kaysa.

1. Mosi 35:1

No hott Gott ksawt zumm Jakob, “Risht dich un gay nuff an Beth-El un voon datt. Mach en awldah datt zu Gott, deah vo zu diah kumma is vo du am fatt shpringa voahsht funn deim broodah da Esau.”

1. Mosi 35:7

Datt hott eah en awldah gebaut un hott da blatz El Beth-El kaysa, veil Gott sich gvissa hott zu eem datt vo eah am fatt shpringa voah funn sei broodah.

1. Mosi 4:4

Da Abel hott aw gebrocht funn di eahsht-geboahra funn sei fee un funn iahra fett. Un da Hah voah froh mitt em Abel sei opfah un hott's goot ohksenna.

1. Mosi 7:2

Du solsht sivva poah funn awl di reina diahra mitt diah nei nemma, en faddah un en muddah; un funn di diahra es nett rein sinn solsht ay poah funn yaydah diah nei nemma, en faddah un en muddah.

1. Mosi 7:3

Du solsht aw sivva poah funn di fekkel unnich em himmel nemma, en hohna un en hinkel, so es iahra nohch-kummashaft levendich bleibt uf di eaht.

1. Mosi 8:19

Alli diah, alles es graddeld, alli fokkel un alles es sich faraykt uf di eaht, is aus di oahrich ganga mitt anri es grawt voahra vi si.

Hiob 1:5

Vann si faddich voahra mitt iahra grohs essa, hott da Hiob als kshikt un si heilich gmacht. Eah is free meiyets uf kshtanna un hott brand-opfahra gopfaht fa yaydahs funn eena. Eah hott ksawt, “Fleicht henn mei kinnah ksindicht un evil kshvetzt veyyich Gott in iahra hatz.” Dess hott eah alli-mohl gedu.

2. Mosi 10:25

Avvah da Mosi hott ksawt, “Du musht uns aw lossa opfahra un brand-opfahra havva, so es miah si zumm Hah unsah Gott bringa kenna.

2. Mosi 29:18

No fabrenn da gans bokk uf em awldah. Dess is en brand-opfah zumm Hah, en goodah kshmakk, en opfah gmacht zumm Hah bei feiyah.

2. Mosi 29:25

No nemm si aus iahra hend un brenn si uf em awldah mitt em brand-opfah fa en goodah kshmakk zumm Hah, en opfah gmacht mitt feiyah zumm Hah.

4. Mosi 7:21

ay yungah bull, en shohf-bokk un en yoah ald lamm fa en brand-opfah;

Römer 12:1

Ich famohn eich dann, leevi breedah, deich di bamhatzichkeit funn Gott, es diah eiyah leivah gevvet es en levendich, heilich un en vohl-kfalla opfah zu Gott. Dess is eiyah geishtlichah deensht.

Hebräer 13:10

Miah henn en awldah es selli vo da deensht fumm tempel henn, nett essa daufa difunn.

1. Petrus 2:5

Un grawt vi levendichi shtay, so sind diah selvaht am ufgebaut vadda in en geishtlich haus fa en heilichi preeshtahshaft vo geishtlichi opfahra opfaht es ohgnumma sinn bei Gott deich Jesus Christus.

1. Petrus 2:9

Avvah diah sind en raus groofa kshlecht, en kaynichi preeshtahshaft, en heilich folk, en leit es zu Gott heaht, so es diah di vundahboahra sacha sawwa sellet veyyich eem, deah vo eich aus em dunkla groofa hott in sei vundahboahri helling.