1. Mosi 5:4 - Pennsylvania Dutch Bible

⁴ Noch demm es da Seth geboahra voah hott da Adam nochamohl acht hunnaht yoah glaybt, un eah hott aw anri boova un mayt katt.

1. Mosi 5:4 ပူးပေါင်းရင်းမြစ်များ

1. Mosi 1:28

Un Gott hott si ksaykend un hott ksawt, “Seind fruchtboah un fameahret eich. Fillet di eaht un nemmet ivvah-hand ivvah di eaht. Diah sellet ivvah-hand havva ivvah di fish fumm say, ivvah di fekkel funn di luft, un ivvah alli levendich ding es sich faraykt uf di eaht.”

1. Mosi 11:12

Da Arphachsad voah fimf un dreisich yoah ald vo eah da faddah vadda is fumm Salah.

1. Mosi 5:10

Da Enos hott acht hunnaht un fuftzay yoah glaybt noch demm es eah da faddah is vadda fumm Kenon, un eah voah aw da faddah funn anri boova un mayt.

1. Mosi 5:13

Da Kenon hott acht hunnaht un fatzich yoah glaybt noch demm es eah da faddah is vadda fumm Mahalaleel, un eah voah aw da faddah funn anri boova un mayt.

1. Mosi 5:19

Un da Jared hott acht hunnaht yoah glaybt noch demm es eah da faddah is vadda fumm Henoch, un eah voah aw da faddah funn anri boova un mayt.

1. Mosi 5:22

Noch demm es eah da faddah is vadda fumm Methusalah, hott da Henoch en gettlich layva kfiaht un is gloffa mitt Gott fa drei hunnaht yoah, un eah voah aw da faddah funn anri boova un mayt.

1. Mosi 5:26

Da Methusalah hott nochamohl sivva hunnaht un zvay un achtzich yoah glaybt noch demm es eah da faddah is vadda fumm Lamech, un eah voah aw da faddah funn anri boova un mayt.

1. Mosi 5:3

Vo da Adam en hunnaht un dreisich yoah ald voah hott eah en boo grikt in sei aykni gleichnis, grawt vi eah selvaht voah, un hott een Seth kaysa.

1. Mosi 5:30

Da Lamech hott nochamohl fimf hunnaht un fimf un neintzich yoah glaybt noch demm es eah da faddah is vadda fumm Noah, un eah voah aw da faddah funn anri boova un mayt.

1. Mosi 5:5

Alles zammah hott da Adam nein hunnaht un dreisich yoah glaybt, un no es eah kshtauva.

1. Mosi 5:7

Un da Seth hott acht hunnaht un sivva yoah glaybt noch demm es eah da faddah voah fumm Enos, un eah voah aw da faddah funn anri boova un mayt.

1. Mosi 9:1

Gott hott no da Noah un sei boova ksaykend, un hott ksawt zu si, “Seind fruchtboah un fameahret eich un fillet di eaht.

1. Mosi 9:7

Un diah, ich vill havva es diah fruchtboah sind un feel kinnah hend. Fameahret eich uf di eaht so es diah feel vaddet drinn.”

Psalm 127:3

Kinnah sinn en kshenk fumm Hah, un di frucht fumm muddahs-leib is gevva bei eem.

Psalm 144:12

Loss unsah yungi boova sei vi gvaxani blansa, un unsah yungi mayt vi shtay-poshta es kakt sinn fa en kaynich-haus.