1. Mosi 5:2 - Pennsylvania Dutch Bible

² Eah hott en mann un en veibsmensh kshaffa, hott si ksaykend, un hott si mensh kaysa im dawk vo si kshaffa voahra.

1. Mosi 5:2 ပူးပေါင်းရင်းမြစ်များ

1. Mosi 1:27

So hott Gott mensha kshaffa in sei aykni gleichnis. In di gleichnis funn Gott hott eah da mann un's veibsmensh kshaffa.

1. Mosi 1:28

Un Gott hott si ksaykend un hott ksawt, “Seind fruchtboah un fameahret eich. Fillet di eaht un nemmet ivvah-hand ivvah di eaht. Diah sellet ivvah-hand havva ivvah di fish fumm say, ivvah di fekkel funn di luft, un ivvah alli levendich ding es sich faraykt uf di eaht.”

1. Mosi 2:15

No hott Gott da Hah da mann gnumma un hott een in da Goahra-Ayden gedu fa en uf halda un acht gevva uf en.

1. Mosi 2:23

No hott da mann ksawt, “Dess is nau gnocha funn mei gnocha, un flaysh funn mei flaysh. See soll ‘veibsmensh’ kaysa sei, veil see aus em mann gnumma voah.”

1. Mosi 5:3

Vo da Adam en hunnaht un dreisich yoah ald voah hott eah en boo grikt in sei aykni gleichnis, grawt vi eah selvaht voah, un hott een Seth kaysa.

Maleachi 2:15

Hott nett Gott eich ayns gmacht im flaysh un im geisht? Favass hott eah dess gedu? So es diah gettlichi kinnah hend. So gevvet acht es diah's bund nett brechet es diah gmacht hend mitt eiyah fraw vo diah yung voahret.

Matthäus 19:4

Eah hott ksawt, “Hend diah nee nett glaysa es deah vo leit gmacht hott am ohfang, hott si en manskal un en veibsmensh gmacht,

Markus 10:6

Avvah im ohfang vo Gott di sacha kshaft hott, hott eah si manskal un veibsmensh gmacht.

Di Apostelgeschichte 17:26

Eah hott funn ay bloot awl di sadda leit un kshlechtah gmacht es uf di gans eaht voona. Eah hott di zeida ksetzt, un hott foah-ksetzt grawt vo si voona sella,