1. Mosi 41:45 - Pennsylvania Dutch Bible

⁴⁵ Da Pharao hott em Joseph no da nohma, Zaphenath-Paneah, gevva. Eah hott eem aw en fraw gevva es Asnath kaysa hott. See voah em Potiphera, da preeshtah funn On, sei maydel. Da Joseph is no naus ganga's land funn Egypta ivvah-gukka.

1. Mosi 41:45 ပူးပေါင်းရင်းမြစ်များ

1. Mosi 14:18

No hott da Melchisedek, da kaynich funn Salem, broht un vei raus gebrocht. Eah voah en preeshtah fumm Alli-Haychshta Gott.

1. Mosi 41:50

Da Joseph hott zvay boova katt bei di Asnath eb di yoahra funn hungahs-noht kumma sinn. Di Asnath voah em Potiphera, da preeshtah funn On, sei maydel.

1. Mosi 46:20

Em Joseph sei boova es geboahra voahra in Egypta bei di Asnath, em Potiphera, da preeshtah funn On, sei maydel, voahra da Manasse un da Ephraim.

2. Samuel 20:26

un da Ira da Jairiddah voah aw em Dawfit sei preeshtah.

2. Samuel 8:18

em Joiada sei boo da Benaia voah ivvah di Krethiddah un Plethah, un em Dawfit sei boova voahra evvahshti roolahs.

2. Mosi 2:16

Nau en preeshtah funn Midian hott sivva mayt katt. Si sinn kumma fa vassah ruff zeeya un di drayk filla fa iahra daett sei shohf drenka.

Jeremia 43:13

Eah zayld di shtaynicha poshta fumm tempel funn di sunn fabrecha in Egypta, un zayld di tempels funn di Egyptah iahra gettah nunnah brenna mitt feiyah.’”

Ezekiel 30:17

Di yunga mennah funn di shtett On un Bubastus zayla falla bei em shvatt, un di ivvahricha leit vadda kfanga.

Daniel 1:7

Da haychsht ivvah-saynah hott eena neiyi nayma gevva. Eah hott da Daniel, Belteshazzar kaysa; da Hanania, Shadrach; da Misael, Meshach; un da Azariah, Abednego.

Lukas 2:1

An selli zeit hott da Kaisah Augustus en gebott naus kshikt es awl di leit in di veld gnambaht sei sella.

Di Apostelgeschichte 11:28

Ayns funn eena, da Agabus, is ufkshtanna un hott eena gvissa deich da Geisht es en grohsi hungahs-noht glei kumma zayld ivvah di gans veld. Dess is kumma in di dawwa fumm Klaudius Kaisah.