1. Mosi 41:41 - Pennsylvania Dutch Bible

⁴¹ Da Pharao hott no ksawt zumm Joseph, “Nau gukk moll, ich habb dich ivvah's gans land funn Egypta ksetzt.”

1. Mosi 41:41 ပူးပေါင်းရင်းမြစ်များ

1. Mosi 39:22

Da ivvah-saynah funn di jail hott da Joseph ivvah awl di kfangana in di jail gedu, un vass-evvah es gedu voah datt, voah gedu unnich em Joseph.

1. Mosi 39:5

Un's is zu kumma funn di zeit es eah een da ivvah-saynah gmacht hott in sei haus un awl sei sach, es da Hah em Egyptah sei haus ksaykend hott fa di sayk fumm Joseph. Un so voah em Hah sei sayya uf alles es eah gaygend hott, im haus un aw draus im feld.

1. Mosi 41:44

No hott da Pharao ksawt zumm Joseph, “Ich binn da Pharao, avvah unni dei vatt soll nimmand sei hand adda foos uf hayva im gansa land Egypta.”

1. Mosi 42:6

Nau da Joseph voah da govvenah fumm land, un eah voah da vann es di frucht fakawft hott zu awl di leit. Em Joseph sei breedah sinn kumma un henn sich nunnah gebikt fannich eem mitt iahra ksichtah uf em bodda.

1. Mosi 45:8

So dann voah's nett eich, avvah Gott, es mich do heah kshikt hott. Eah hott mich ufksetzt es da faddah zumm Pharao un meishtah funn sei gansi haus-halding, un aw da ivvah-saynah funn gans Egypya-land.

Esther 10:3

Da Yutt Mordecai voah's zvett haychsht im land, yusht unnich em Kaynich Ahasveros, un eah voah grohs ohksenna unnich di Yudda. Eah voah hohch uf kohva bei sei breedah di Yudda veil eah kshaft hott fa's goot funn sei leit, un hott kshvetzt fa si so veit es vass es besht voah fa si.

Psalm 105:21

Eah hott een ivvah-saynah gmacht funn sei haus, un hott een roolah gmacht ivvah awl sei sach,

Shpricha 17:2

En gnecht mitt veisheit zayld roola ivvah da boo es nett heicht, un zayld en dayl funn di eahbshaft greeya vi ayns funn di breedah.

Shpricha 22:29

Saynsht du en kshiktah mann am sei eahvet du? Eah zayld fannich kaynicha shtay; eah zayld nett fannich niddahri leit shtay.

Breddichah 4:14

Da yung boo is fleicht aus di jail kumma un is kaynich vadda, adda fleicht voah eah oahm geboahra un is kaynich vadda.

Daniel 2:48

No hott da kaynich da Daniel hohch gacht un hott eem feel sacha kshenkt. Eah hott een roolah gmacht ivvah's gans landshaft funn Babylon, un hott een ivvah awl di mennah funn veisheit ksetzt.

Daniel 6:3

Da Daniel hott glei gvissa es eah bessahri eahvet du hott kenna es di anra ivvah-saynah un di govvenahs, veil eah en bessahrah geisht in sich katt hott. Fasell, hott da kaynich ausgmacht fa een ivvah sei gans kaynich-reich setza.

Matthäus 28:18

Un Jesus is kumma un hott ksawt zu eena, “Alli graft im Himmel un uf di eaht is gevva zu miah.

Di Apostelgeschichte 7:10

Gott hott eem raus kolfa in awl sei druvla, un hott eem veisheit gevva es da Pharao, da kaynich funn Egypta, feel gedenkt hott funn eem. Eah hott een govvenah gmacht ivvah Egypta un ivvah sei gansi haus-haldung.