1. Mosi 27:41 - Pennsylvania Dutch Bible

⁴¹ Da Esau hott en hass katt geyyich da Jakob veil sei faddah een ksaykend hott mitt em sayya. Un da Esau hott ksawt in sei hatz, “'Sis glei zeit fa veina fa mei faddah sei doht. Noch sellem mach ich mei broodah doht.”

1. Mosi 27:41 ပူးပေါင်းရင်းမြစ်များ

1. Mosi 27:42

Nau vo's ksawt voah zu di Rebekka vass iahra eldshtah boo ksawt katt hott, hott si kshikt fa iahra yingshtah boo un hott ksawt zu eem, “Gukk moll, dei broodah da Esau is am sich drayshta mitt di gedanka es eah dich doht macha zayld.

1. Mosi 32:11

Ich bayt, hald mich frei funn di hand funn mei broodah da Esau, fa ich feich mich veyyich eem. Un ich feicht es eah am kumma is fa mich doht macha, un aw di muddahra un kinnah.

1. Mosi 32:3

No hott da Jakob mennah fanna naus kshikt fa vatt nemma zumm Esau, sei broodah im land Seir, in di landshaft funn Edom.

1. Mosi 32:6

Di mennah sinn zrikk zumm Jakob kumma un henn ksawt, “Miah sinn zu dei broodah da Esau ganga un nau is eah am kumma dich ohdreffa mitt fiah hunnaht mennah.”

1. Mosi 35:29

Eah hott sei letshtah ohften gnumma un is kshtauva. Eah voah en oahrichah aldah mann, un voah zu sei leit gegeddaht. Un sei boova da Esau un da Jakob henn een fagrawva.

1. Mosi 37:18

Vo si een shtikk ab ksenna henn kumma, un eb eah nayksht zu eena kumma is, henn si ausgmacht fa een doht macha.

1. Mosi 37:4

Sei breedah henn ksenna es iahra daett da Joseph may gleicht es awl sei breedah, un si henn een kast un henn nett shay shvetza kenna zu eem.

1. Mosi 37:8

No henn sei breedah ksawt zu eem, “Denksht du du zaylsht unsah kaynich sei un ivvah uns sei?” So henn si een yusht noch may kast deich sei drohma un sei kshvetz.

1. Mosi 50:15

Vo em Joseph sei breedah ksenna henn es iahra daett doht is, henn si ksawt, “Vass vann da Joseph's nau geyyich uns haybt, un uns zrikk betzawld fa alles es miah letz gedu henn zu eem?”

1. Mosi 50:2

Un da Joseph hott di doktah es unnich eem voahra ksawt fa sei daett salba. No henn di doktah da Israel ksalbt.

2. Chronik 35:24

So henn sei gnechta een aus em greeks-vauwa gnumma un henn een in sei anrah vauwa gedu. No henn si een zu Jerusalem gebrocht, vo eah kshtauva is. Eah voah fagrawva in di grayvah funn sei foah-feddah, un gans Juda un Jerusalem hott keild ivvah een.

Psalm 142:3

Vann's meim geisht angsht vatt, is es dich es mei pawt vayst. Im vayk vo ich lawf henn si en fall ksetzt fa mich.

Psalm 35:14

Es voah zu miah es vann ich am heila veah fa en freind adda en broodah; ich habb mei kobb gebikt in mei dreebsawl, es vann ich am heila gvest veah fa mei maemm.

Psalm 37:16

Es bissel es di gerechti henn, is bessah es es feel es di gottlohsa henn.

Shpricha 1:16

Iahra fees shpringa zumm evila, si sinn kshvind am bloot fageesa.

Shpricha 18:19

En broodah es grikt is, is haddah fa nayksht kumma ditzu es en shtatt mitt vanda; shtreit is vi di rikkel es es doah funn en kaynich-gebei zu hayva.

Shpricha 6:14

diveil es eah am sich rishta is fa evil du mitt falshheit im hatz, un fa shtreit shtroiya.

Breddichah 7:9

Loss dich nett kshvind zannich vadda im geisht, fa yusht selli unni veisheit halda da zann.

Ezekiel 35:5

Veil diah ayvichi feinda sind zu di Kinnah-Israel, un si ivvah-gedrayt hend zumm shvatt vo's eena shlecht ganga is an di zeit funn iahra letshtah shtrohf,

5. Mosi 34:8

Di Kinnah-Israel henn uf kokt un gveind fa da Mosi datt in di plains funn Moab fa dreisich dawk, biss di dawwa funn veines ivvah voahra.

Titus 3:3

Fa miah voahra aw moll unkshikt, unni veisheit un henn nett keicht. Miah voahra fafiaht un gnechta zu alli sadda lusht un blesiah. Miah henn glaybt in ungerechtichkeit un henn anri leit sacha fagund. Leit henn uns kast un miah henn nannah kast.